సినిమా టికెట్ రేట్స్ ఇష్యూపై నేను మాట్లాడను.. అడగొద్దు- నాగార్జున
- Follow Us :
-
-
Add as a preferred
source on google
అక్కినేని నాగార్జున, నాగ చైతన్య మల్టీస్టారర్ గా తెరకెక్కుతున్న చిత్రం బంగార్రాజు. కళ్యాణ్ కృష్ణ కురసాల దర్శకత్వంలో తెరకెక్కిన ఈ చిత్రం సంక్రాంతి కానుకగా జనవరి 14 న విడుదల కానుంది. ఇప్పటికే ఈ సినిమా నుంచి రిలీజైన సాంగ్స్, టీజర్ ప్రేక్షకులను విశేషంగా ఆకట్టుకొంటున్నాయి. ఇక సినిమా విడుదల దగ్గరపడుతుండటంతో మేకర్స్ ప్రమోషన్స్ జోరు పెంచేశారు. ఈ నేపథ్యంలోనే నేడు బంగార్రాజు చిత్ర బృందం హైదరాబాద్ లో ప్రెస్ మీట్ ని నిర్వహిస్తోంది.
ఇక ఈ సమావేశంలో ఏపీ టికెట్ రేట్స్ ఇష్యూ గురించి నాగార్జున కీలక వ్యాఖ్యలు చేశారు. ప్రస్తుతం ఏపీ టికెట్ రేట్స్ ఇష్యూ జరుగుతోంది కదా.. దాని గురించి మీరేమంటారు అని రిపోర్టర్ అడగగా.. ” సినిమా స్టేజిపై పొలిటికల్ న్యూస్ మాట్లాడకూడదు.. నేను మాట్లాడను.. అయినా టికెట్స్ రేట్స్ వలన నా సినిమాకి అయితే ఇబ్బంది లేదు.. మిగిలినవారి సంగతి నాకు తెలియదు” అని నాగ్ చెప్పుకొచ్చారు. ప్రస్తుతం నాగ్ వ్యాఖ్యలు నెట్టింట వైరల్ గా మారాయి.