మలయాళంలో సూపర్ హిట్ సాధించిన ‘లూసిఫర్’ చిత్రాన్ని తెలుగులో ‘గాడ్ ఫాదర్’ గా రీమేక్ చేయనున్న సంగతి తెలిసిందే. మెగాస్టార్ చిరంజీవి హీరోగా, మోహన్ రాజా దర్శకత్వంలో ఈ సినిమా తెరకెక్కనుంది. మరికొద్ది రోజుల్లో ఈ మూవీ సెట్స్ మీదకు రానున్న నేపథ్యంలో తాజాగా చిత్రానికి సంబంధించిన ఓ అప్డేట్ ను మ్యూజిక్ డైరెక్టర్ తమన్ షేర్ చేశారు.
‘గాడ్ ఫాదర్’ మ్యూజిక్ సెషన్ ను తమన్ ఇదివరకే ప్రారంభించగా, తదుపరి ట్యూన్ అంశాలపై చర్చించారు. తాజాగా దీనికి సంబందించిన ఫోటోలను తమన్ పంచుకున్నారు. కొణిదెల ప్రొడక్షన్స్ బ్యానర్పై ఈ సినిమాను చిరంజీవి తనయుడు రామ్ చరణ్ నిర్మిస్తున్నారు.
ఇకపోతే ప్రస్తుతం కొరటాల శివ దర్శకత్వంలో రూపొందుతున్న ‘ఆచార్య’ మూవీ త్వరలోనే విడుదల తేదిని ప్రకటించనుంది. చిరంజీవి సరసన కాజల్ హీరోయిన్గా నటిస్తుండగా, రామ్ చరణ్ ముఖ్య పాత్ర పోషిస్తున్నాడు.