Aha Telugu Indian Idol 2: సింగర్స్ వార్ కి సర్వం సిద్ధం…

తెలుగు ఒటీటీ ఆహాలో సూపర్ హిట్ అయిన షోస్ లో ‘తెలుగు ఇండియన్ ఐడల్’ ఒకటి. వార్ ఆఫ్ సింగర్స్ గా స్టార్ట్ అయిన ఈ షో తెలుగు సంగీత అభిమానులని విపరీతంగా ఆకట్టుకుంది. నిత్య మీనన్, తమన్, సింగర్ కార్తీక్ జడ్జ్ ప్యానెల్ లో ఉండగా ఈ షోకి హోస్ట్ గా శ్రీ రామ్ చంద్ర వ్యవహరించాడు. వాగ్దేవి, శ్రీనివాస్, వైష్ణవి, మారుతీ లాంటి టాలెంటెడ్ సింగర్స్ ని ఇచ్చిన షో సెమీఫైనల్స్ కి నందమూరి బాలయ్య గెస్ట్ గా వచ్చి వ్యూవర్షిప్ పెంచాడు. ఫైనల్స్ కి మెగాస్టార్ వచ్చి ఈ షో రీచబిలిటీని పీక్ స్టేజ్ కి తీసుకోని వెళ్లాడు. 31 ఎపిసోడ్స్ తో ఆడియన్స్ ని ఎంటర్టైన్ చేసిన ఈ తెలుగు ఇండియన్ ఐడల్ సీజన్ 1 వాగ్దేవి టైటిల్ విన్నర్ గా నిలిచింది. సీజన్ 1 సక్సస్ అవ్వడంతో షో రన్నర్స్ సీజన్ 2కి రెడీ అయ్యారు. ఆహా తెలుగు ఇండియన్ ఐడల్ సీజన్ 2 అంటూ మరింత గ్రాండ్ గా కొత్త సీజన్ ని స్టార్ట్ చెయ్యబోతున్నారు. ఈ గ్రాండ్ లాంచ్ షూటింగ్ కి తమన్ అటెండ్ అయ్యాడు. నిత్య మీనన్ కనిపించలేదు కాబట్టి ఆమె ఈ సీజన్ 2 జడ్జ్ ప్యానెల్ లో ఉంటుందా లేదా అని విషయం తెలియాల్సి ఉంది. కంటేస్టంట్ లు ఎవరు? సీజన్ 2 ఫార్మాట్ ఎలా ఉండబోతుంది? శ్రీరామ్ చంద్ర, కార్తీక్ కు కంటిన్యు అవుతారా? ఎప్పటినుంచి ఎయిర్ అవుతుంది లాంటి విషయాలు ఆహా నుంచి త్వరలో బయటకి రానున్నాయి.