ఇటీవల వార్తల్లో నిలుస్తున్న కుంభమేళా ఫేమ్ మొనాలీసా ఉదంతం ఇప్పుడు సంచలనంగా మారింది, దర్శకుడు సనోజ్ మిశ్రాపై ఆమె చేసిన తీవ్రమైన ఆరోపణలు చిత్ర పరిశ్రమలో కలకలం రేపుతున్నాయి.
కుంభమేళా ఫోటోలతో సోషల్ మీడియాలో ఓవర్ నైట్ స్టార్గా మారిన మొనాలీసా, తాజాగా దర్శకుడు సనోజ్ మిశ్రాపై సంచలన ఆరోపణలు చేశారు. కొచ్చిలో ఏర్పాటు చేసిన విలేకరుల సమావేశంలో ఆమె తన గోడును వెళ్లగక్కారు, షూటింగ్ సెట్లో సనోజ్ మిశ్రా తన పట్ల అత్యంత అసభ్యంగా ప్రవర్తించారని, పలుమార్లు తన శరీర భావాలను తాకుతూ వేధించారని చెబుతూ ఆమె భోరున విలపించారు.
కుటుంబ సభ్యులు పట్టించుకోలేదు. ఈ చేదు అనుభవం ఎదురైన సమయంలోనే తాను ఇంట్లో వారితో మొరపెట్టుకున్నానని, అయితే అది తన మొదటి సినిమా కావడంతో “సర్దుకుపోవాలి” అన్నట్లుగా వారు లైట్ తీసుకున్నారని మొనాలీసా ఆవేదన వ్యక్తం చేశారు.
Also Read:Nara Lokesh : ఇది తెలుగుదేశం పార్టీ 3.O వర్షన్
ఆ సమయంలో తనకు కేవలం 18 ఏళ్ల లోపు వయసు మాత్రమేనని, అందుకే బయటికి చెప్పలేక మౌనంగా ఉండిపోయానని ఆమె పేర్కొన్నారు, మొనాలీసా తన భర్త ఫర్మాన్ ఖాన్తో కలిసి ఈ ప్రెస్ మీట్లో పాల్గొన్నారు. వీరిద్దరి వివాహం ఇటీవల కేరళలో జరిగిన సంగతి తెలిసిందే. ప్రస్తుతం తాము కేరళలోనే నివసిస్తున్నామని, అయితే తమ స్వస్థలానికి తిరిగి వెళ్లాలని ఉన్నా అక్కడి పరిస్థితులు అనుకూలంగా లేవని వారు తెలిపారు. తమకు ప్రాణహాని ఉందని, అందుకే భయాందోళనల మధ్య గడుపుతున్నామని వారు వెల్లడించారు. త్వరలోనే ఈ విషయంలో పోలీసులకు ఫిర్యాదు చేయాలని ఆమె నిర్ణయించుకున్నట్టు ఆమె పేర్కొంది.
