Memories Song: ‘మెమొరీస్’ చెబుతానంటున్న హీరో సుధాకర్

Memories Song By Sudhakar Komakula to Release Soon: నారాయణ అండ్ కో సినిమా తర్వాత యంగ్ హీరో సుధాకర్ కొమాకుల మెమొరీస్ అనే మ్యూజిక్ వీడియోతో ప్రేక్షకుల ముందుకు రాబోతున్నాడు. ఈ సాంగ్ ని సుధాకర్ తన సొంత బ్యానర్ సుఖ మీడియాపై నిర్మిస్తుండగా అమెరికాలోని శాన్ ఫ్రాన్సిస్కో నగరంలో ఈ పాటని రియల్ వరల్డ్ ఫుటేజ్, 2డి యానిమేషన్ తో కలిపి షూట్ చేశారు. ఇక అతి త్వరలో ఈ ‘మెమొరీస్’ వీడియో సాంగ్ ని తెలుగు, తమిళం, మలయాళం, కన్నడ, హిందీ భాషల్లో నివృతి యూట్యూబ్ ఛానల్ లో రిలీజ్ చేయనున్నారు. ఇక తాజాగా ఈ సాంగ్ టీజర్ ను విడుదల చేశారు. ఆ టీజర్ అయితే ఆకట్టుకునేలా ఉంది. అన్వేష్ భాష్యం దర్శకత్వంలో ఈ సాంగ్ తెరకెక్కింది.

Hasthina Puram: ‘హస్తినాపురం’ మొదలైంది

ఈ సాంగ్ కాన్సెప్ట్ విషయానికి వస్తే.. వరుణ్ అనే యువకుడు తన జర్నీలో ఫీలింగ్స్ కోల్పోయే స్థితి నుంచి తన గమ్యం ఏంటి అని తెలుసుకునే వాడిగా ఎలా మారాడు అనే అంశం మీద షూట్ చేశారు. ఈ పాటని వరుణ్ కంపోజ్ చేయగా తెలుగులో రాహుల్ సిప్లిగంజ్ గాత్రం అందించగా.. కన్నడలో వాసుకి వైభవ్ పాడారు. ఈ వీడియో సాంగ్ దృశ్యం పరంగా ఆకట్టుకుంటూ ఒక సింపుల్ హుక్ స్టెప్ కూడా ఉంటుందని అంటున్నారు. చూసిన ప్రతి ఒక్కరూ డ్యాన్స్ చేయాలనిపించే విధంగా ఆ స్టెప్ ఉంటుందని అంటున్నారు. గతంలో చిరంజీవికి ట్రిబ్యూట్ గా సుధాకర్ తన భార్యతో కలిసి చేసిన సాంగ్ కి మంచి రెస్పాన్స్ వచ్చింది.