దివంగత లెజెండరీ నటుడు, రియల్ స్టార్ శ్రీహరి జయంతి సందర్భంగా ఆయన తనయుడు మేఘాంశ్ శ్రీహరి నటిస్తున్న తాజా పాన్-ఇండియా చిత్రం ‘ఆస్మాన్’ (Aasmaan) నుంచి అదిరిపోయే అప్డేట్ వచ్చేసింది. రామ్ నందన్ దర్శకత్వంలో శ్రీ క్లీంకార సెల్యూలాయిడ్ బ్యానర్పై వెంకటేష్ కొండారు, శ్రీకాంత్ మన్నెం సంయుక్తంగా నిర్మిస్తున్న ఈ చిత్ర ఫస్ట్ లుక్, మోషన్ పోస్టర్ను హైదరాబాద్లో ఘనంగా విడుదల చేశారు. తెలుగు, తమిళం, కన్నడ, మలయాళంతో పాటు అరబిక్ భాషల్లోనూ ఈ చిత్రం భారీ స్థాయిలో తెరకెక్కుతోంది.
తాజాగా విడుదలైన మోషన్ పోస్టర్ ఆద్యంతం గూస్బంప్స్ తెప్పించేలా డిజైన్ చేశారు. ఒక భారీ అరచేయి మధ్యలో హీరో మేఘాంశ్ చేతిలో వెలుగుతున్న కాగడాతో పవర్ఫుల్గా నిలబడి ఉండటం ఆకట్టుకుంటోంది. ఆ చేతి వెనుక భాగంలో ఒక నుదురు, దానిపై ప్రత్యేకంగా తీర్చిదిద్దిన తిలకం సినిమాలోని రహస్య కాన్సెప్ట్ను ప్రతిబింబిస్తోంది. చుట్టూ జనాలు కాగడాలు పట్టుకుని నిలబడటం వెనుక ఉన్న మిస్టరీ ఏంటనే ఆసక్తి ప్రేక్షకుల్లో మొదలైంది.
తల్లిగా శాంతి శ్రీహరి భావోద్వేగం: “శ్రీహరి గారు ఎలాగైతే పగలు, రాత్రి కష్టపడి పనిచేశారో.. మేఘాంశ్ కూడా అంతే డెడికేషన్తో వర్క్ చేస్తున్నాడు. ఇప్పటివరకు నా కొడుకుని చిన్న పిల్లాడిలాగే చూశాను, కానీ ఈ పోస్టర్లో చూశాక వాడు నిజమైన సింహంలా కనిపించాడు. ఒక తల్లిగా మేఘాంశ్కి ‘ఆస్మాన్’తో సాలిడ్ హిట్ రావాలని కోరుకుంటున్నాను.” అని అన్నారు. రాయంచ కథానాయికగా నటిస్తున్న ఈ చిత్రంలో రవివర్మ, కమల్, కేశవ్ దీపక్, సత్యరాజ్ తదితరులు కీలక పాత్రలు పోషిస్తున్నారు. ప్రశాంత్ ఆర్ విహారి సంగీతం, షోయబ్ సినిమాటోగ్రఫీ ఈ చిత్రానికి ప్రధాన ఆకర్షణగా నిలవనున్నాయి.