Manoj Bajpayee : చిన్న సినిమాలకు థియేటర్లు దొరకడం లేదు.. మనోజ్ బాజ్పాయ్ ఆవేదన
- Follow Us :
-
-
Add as a preferred
source on google
Manoj Bajpayee : సినిమా బాగుంటే ప్రేక్షకులు తప్పకుండా ఆదరిస్తారనే మాట తరచూ వినిపిస్తుంది. అయితే కంటెంట్ ఉన్నా థియేటర్లు దొరకకపోతే పరిస్థితి ఎలా ఉంటుంది? ప్రస్తుతం భారతీయ సినీ పరిశ్రమలో అనేక చిన్న బడ్జెట్ చిత్రాలు ఎదుర్కొంటున్న అతిపెద్ద సమస్య ఇదే. స్టార్ హీరోల భారీ చిత్రాల మధ్య మంచి కథలతో తెరకెక్కిన సినిమాలు కూడా ప్రదర్శనకు నోచుకోకపోవడం ఇప్పుడు పరిశ్రమలో తీవ్రమైన చర్చకు దారితీస్తోంది. ఈ అంశంపైనే జాతీయ అవార్డు గ్రహీత, విలక్షణ నటుడు మనోజ్ బాజ్పాయ్ చేసిన వ్యాఖ్యలు ఇప్పుడు బాలీవుడ్తో పాటు ఇతర చిత్ర పరిశ్రమల్లోనూ చర్చనీయాంశంగా మారాయి.
ఇటీవల జరిగిన ఓ ఇంటర్వ్యూలో మనోజ్ బాజ్పాయ్ మాట్లాడుతూ చిన్న సినిమాలకు ప్రభుత్వ స్థాయిలో రక్షణ అవసరమని స్పష్టం చేశారు. తాము కోరేది ఆర్థిక సాయం కాదని, ప్రేక్షకుల ముందుకు సినిమా తీసుకెళ్లే అవకాశాన్ని కల్పించే విధానాలేనని ఆయన అభిప్రాయపడ్డారు. ప్రతి సినమాకి కనీస సంఖ్యలో స్క్రీన్లు, తగినన్ని ప్రదర్శనలు లభించేలా ప్రత్యేక పాలసీ తీసుకురావాలని ప్రభుత్వాలను కోరారు. అలాంటి వ్యవస్థ ఉంటేనే చిన్న సినిమాలు కూడా పెద్ద చిత్రాలతో సమానంగా పోటీ పడగలవని ఆయన అభిప్రాయపడ్డారు.
Also Read
- UNEXPECTED – SAFED SACH: దేశాన్ని కుదిపేసిన డెహ్రాడూన్ బస్సు ఘటనపై సినిమా
- Rashmika: ‘ఒసేయ్ రాములమ్మ’ అనగానే భయమేసింది.. మ్యాచ్ చేయలేం కానీ..!
- దాదాసాహెబ్ ఫాల్కే ఇంటర్నేషనల్ ఫిల్మ్ ఫెస్టివల్ (DPIFF) అవార్డ్స్ 2026 ప్రకటన.. విజేతలు వీరే..!
- Anirudh & Kavya Maran Reception: అనిరుధ్-కావ్య మారన్ పెళ్లి రిసెప్షన్.. చెన్నై ఎయిర్పోర్ట్కు వరుసపెట్టిన అతిధి మహారాజులు.!
ఈ చర్చకు మరో కోణాన్ని ప్రముఖ దర్శకురాలు రీమా కాగ్తీ ప్రస్తావించారు. చిన్న సినిమాలకు ప్రేక్షకుల మద్దతు ఒక్కటే సరిపోదని, వ్యవస్థ నుంచి కూడా ఆదరణ లభించాల్సిన అవసరం ఉందని ఆమె పేర్కొన్నారు. ఈ అభిప్రాయాన్ని సమర్థించిన మనోజ్, సమస్య మూలం థియేటర్ల వ్యవస్థలోనే ఉందన్నారు. భారీ చిత్రాల నిర్మాతలు, డిస్ట్రిబ్యూటర్లు తమ ప్రభావంతో ఎక్కువ స్క్రీన్లను సొంతం చేసుకుంటున్నారని, దీనివల్ల చిన్న చిత్రాలు ప్రేక్షకులకు చేరకుండానే వెనుకబడుతున్నాయని ఆయన ఆవేదన వ్యక్తం చేశారు.
నిజానికి ఈ సమస్య ఒక్క బాలీవుడ్కే పరిమితం కాదు. టాలీవుడ్లో కూడా సంక్రాంతి, దసరా వంటి పండగ సీజన్లలో పెద్ద సినిమాలు థియేటర్లను ఆక్రమించడం తరచూ కనిపించే పరిస్థితి. దీంతో చిన్న సినిమాలు విడుదల వాయిదా వేసుకోవాల్సి రావడం, లేదా చాలా పరిమిత షోలతోనే సరిపెట్టుకోవడం జరగుతోంది. మంచి కథ, మంచి కంటెంట్ ఉన్నా సరైన ప్రదర్శన లభించకపోతే ప్రేక్షకుల తీర్పు పొందే అవకాశమే లేకుండా పోతుందని సినీ విశ్లేషకులు కూడా అభిప్రాయపడుతున్నారు.
ఈ సందర్భంగా మహారాష్ట్ర ప్రభుత్వం అమలు చేస్తున్న విధానాన్ని మనోజ్ బాజ్పాయ్ ఉదాహరణగా చూపించారు. అక్కడ మరాఠీ సినిమాలకు నిర్దిష్ట సంఖ్యలో థియేటర్లు, ప్రైమ్ టైమ్ షోలు కేటాయించే విధానం అమల్లో ఉందని గుర్తుచేశారు. ఇలాంటి విధానాన్ని దేశవ్యాప్తంగా అన్ని ప్రాంతీయ భాషల సినిమాలకు, చిన్న బడ్జెట్ చిత్రాలకు కూడా విస్తరించాలని ఆయన సూచించారు. దీనివల్ల వైవిధ్యమైన కథలకు, కొత్త దర్శకులకు, కొత్త నటీనటులకు మరింత అవకాశాలు లభిస్తాయని ఆయన అభిప్రాయపడ్డారు.
ఇదే సమయంలో మనోజ్ బాజ్పాయ్ నటించిన తాజా చిత్రం గవర్నర్ కూడా ఈ సమస్యను ఎదుర్కొంది. చిన్మయ్ డి. మాండ్లేకర్ దర్శకత్వంలో తెరకెక్కిన ఈ చిత్రంలో రిజర్వ్ బ్యాంక్ ఆఫ్ ఇండియా మాజీ గవర్నర్ ఎస్. వెంకిటరమణన్ పాత్రలో మనోజ్ కనిపించారు. 1990ల ఆర్థిక సంక్షోభ సమయంలో దేశం ఎదుర్కొన్న సవాళ్లను ఆధారంగా తీసుకుని రూపొందిన ఈ చిత్రానికి కూడా పెద్ద సినిమాల పోటీ కారణంగా పరిమిత సంఖ్యలోనే థియేటర్లు లభించాయి. మంచి కంటెంట్ ఉన్న చిత్రాలకు కూడా సరైన ప్రదర్శన దక్కకపోవడం భారతీయ సినీ పరిశ్రమ ఎదుర్కొంటున్న వాస్తవ పరిస్థితిని మరోసారి బయటపెట్టిందనే అభిప్రాయం వ్యక్తమవుతోంది.
తాజావార్తలు
-
Mayukha : ఓటీటీలోకి వచ్చేసిన సైకలాజికల్ థ్రిల్లర్ ‘మయూఖ’.. కానీ ఒక్క కండిషన్?
-
New York Accident: ఉన్నత చదువుల కోసం అమెరికా వెళ్లి.. ఉద్యోగం సాధించిన వారానికే మృత్యుఒడికి..
-
Hero Splendor+ బైక్ ధరలు పెంపు.. అన్ని వేరియంట్లపై భారీగా పెరిగిన రేట్లు.. కొత్త ధరలు ఇవే!
-
Hardik Pandya Trade: హార్దిక్ను ఎందుకు తీసుకున్నామంటే.. పంజాబ్ కింగ్స్ హెడ్ కోచ్ ఆసక్తికర వ్యాఖ్యలు!
-
UNEXPECTED – SAFED SACH: దేశాన్ని కుదిపేసిన డెహ్రాడూన్ బస్సు ఘటనపై సినిమా
ట్రెండింగ్
-
Ball Tampering Scandal: కమిన్స్ను కెప్టెన్సీ నుంచి తప్పిస్తే గుడ్బై చెబుతా?.. ఆసీస్ పేసర్ సంచలన వ్యాఖ్యలు!
-
Gold Purity: హాల్మార్క్ గోల్డ్లోనూ కల్తీ.. యంత్రాలకు కూడా దొరకని విధంగా ‘రేడియం పౌడర్’ మిక్స్..
-
IND vs PAK: పాకిస్థాన్తో మ్యాచ్ మాకో లెక్కే కాదు.. టీమిండియా కెప్టెన్ హాట్ కామెంట్స్..!
-
World Television Day 2026: బ్లాక్ అండ్ వైట్ నుంచి స్మార్ట్ టీవీ వరకు.. ఆసక్తికర ప్రయాణం.!
-
World Hello Day 2026 : ఒక్క ‘హలో’తో ఇన్ని లాభాలా?.. నవంబర్ 21 ప్రత్యేకత ఇదే.!