Manisha Koirala Talks About Her Divorce: తెరముందు నవ్వుతూ, హుషారుగా కనిపించే సెలెబ్రిటీల జీవితాలు.. తెరవెనుక కూడా అలాగే ఉంటాయని చెప్పలేం. కొందరి జీవితాలు విలాసవంతంగా, సంతోషంగా ఉండొచ్చేమో గానీ.. మరికొందరు మాత్రం వ్యక్తిగతంగా ఎన్నో ఒడిదుడుకులు ఎదుర్కుంటారు. సాధారణ మనుషుల తరహాలోనే.. వారి జీవితాల్లోనూ కష్టాలు ఉంటాయి. కలలన్నీ కలలుగానే మిగిలిపోయి ఉంటాయి. అలాంటి వారిలో మనీషా కొయిరాలా కూడా ఒకరు. ఒకప్పుడు ఈమె సినీ జీవితం ఎంత అద్భుతంగా గడిచిందో, వ్యక్తిగత జీవితం అంతే దారుణంగా సాగింది. ఆరోగ్యపరమైన సమస్యల దగ్గర నుంచి విడాకుల దాకా.. ఈమె ఎదుర్కొన్న కష్టాలు ఎన్నెన్నో! మంచి విషయం ఏమిటంటే.. ప్రస్తుతం ఈమె సెకండ్ ఇన్నింగ్స్ ఆశాజనకంగానే సాగుతోంది. వరుసగా హిందీ సినిమాల్లో నటిస్తూ.. బిజీగా ఉంటోంది. ఈ క్రమంలోనే తాజాగా ఓ జాతీయ మీడియాకు ఇచ్చిన ఇంటర్వ్యూలో.. తన చేదు అనుభవాల గురించి మనీషా కొయిరాలా చెప్పుకొచ్చింది.
Pulsar Bike Jhansi: టైలర్ తప్పుగా ప్రవర్తించాడు.. తండ్రి ఆ పని చేయమన్నాడు
మనీషా కొయిరాలాకు 2010లో నేపాల్‌కు చెందిన సమ్రాట్ దహల్‌తో వివాహం జరిగింది. వీరిది పెద్దలు కుదిర్చిన వివాహం కాదు.. ప్రేమించి పెళ్లి చేసుకున్నారు. దీంతో.. వీరి దాంపత్య జీవితం మూడు పువ్వులు ఆరు కాయలు అన్నట్టు సజావుగానే సాగుతుందని అంతా భావించారు. మనీషా సైతం.. ఎన్నో అంచనాలతో పెళ్లి చేసుకుంది. కానీ.. పెళ్లయిన ఆరు నెలలకే ఆ దంపతుల మధ్య విభేదాలు తలెత్తాయి. వీటిని పరిష్కరించేందుకు మనీషా ప్రయత్నించింది కానీ, ఫలితం లేకుండా పోయింది. దాంతో.. సంతోషం లేని చోట కలిసుండటం కన్నా విడిపోవడమే నయమని భావించి, 2012లో విడాకులు తీసుకుంది. దీనిపై మనీషా మాట్లాడుతూ.. ‘‘పెళ్లి తర్వాత ఎన్నో కలలు కన్నాను. కానీ ఆరు నెలలకే మా మధ్య గొడవలు మొదలయ్యాయి. నేను ప్రేమించిన భర్తే నాకు శత్రువుగా మారాడు. ఒక స్త్రీకి ఇంతకంటే దారుణం ఏముంటుంది? అందుకే.. విడాకులు తీసుకోవడం తప్పలేదు. నా లాంటి పరిస్థితి మరెవ్వరికీ రాకూడదు’’ అంటూ చెప్పుకొచ్చింది.
SS Rajaomouli: దసరాపై రాజమౌళి ప్రశంసలు.. కెరీర్ బెస్ట్ పెర్ఫార్మెన్స్ ఇచ్చావంటూ నానికి కితాబు