Malaika Arora : 19 ఏళ్ళ చిన్నోడితో మలైకా డేటింగ్.. అతని హిస్టరీ ఇదే!
బాలీవుడ్ ప్రముఖ నటి మలైకా అరోరా తన డ్యాన్స్తో పాటు ఫిట్నెస్తో కూడా వార్తల్లో నిలుస్తూ ఉంటుంది. అయితే వీటికంటే ఎక్కువగా ఆమె లేటు వయసులో ఘాటు ప్రేమల వలన వ్యక్తిగత జీవితం కూడా ప్రతిరోజూ వార్తల్లో నిలుస్తోంది. ఆమె విడాకులు, ప్రెజెంట్ అండ్ పాస్ట్ రిలేషన్స్ తరచుగా చర్చనీయాంశంగా మారుతున్నాయి. ఇప్పుడు, 52 సంవత్సరాల వయసులో, నటి మళ్ళీ ప్రేమలో పడిందని బాలీవుడ్ మీడియా కోడై కూస్తోంది. మలైకా అరోరా ఇటీవల హర్ష్ మెహతా అనే కుర్రాడితో విమానాశ్రయంలో కనిపించింది. వాలెంటైన్స్ డే సందర్భంగా వారిద్దరూ కలిసి ఉన్న ఫోటో వైరల్ అయింది, ఇటలీలోని ట్రెవీ ఫౌంటెన్ వద్ద హర్ష్ ఆమెతో సెల్ఫీ తీసుకుంటున్నట్లు పిక్ పోస్ట్ చేశారు. నిజానికి ఈ ఇద్దరూ కొన్ని రోజుల నుంచి ఎక్కువగా కలిసి కనిపిస్తూ ఉండడంతో వారి మధ్య ఏదైనా జరుగుతోందా అనే ప్రశ్నలు తలెత్తుతున్నాయి. మలైకా కానీ హర్ష్ కానీ వారి రిలేషన్ గురించి ఎలాంటి కామెంట్ చేయనప్పటికీ, రిలేషన్ లో ఉన్నారని దాదాపుగా బాలీవుడ్ మీడియా ఫిక్స్ అయింది.
Also Read :Anvesh: యూట్యూబర్ అన్వేష్ కి ఊహించని షాక్.. యూట్యూబ్ ఛానల్స్ బ్లాక్?
ఈ క్రమంలో అసలు ఈ హర్ష్ మెహతా ఎవరు? అతను ఏమి చేస్తాడని తెలుసుకోవడానికి జనాలు ఆసక్తిగా ఉన్నారు. హర్ష్ వజ్రాల వ్యాపారం చేసే సంపన్న కుటుంబం నుండి వచ్చాడు. అతను శాంకస్ మేనేజ్మెంట్కు మేనేజింగ్ డైరెక్టర్ కూడా. అతని నెట్ వర్త్ కోట్లలో ఉంటుందని అంచనా, కానీ దీనికి సంబంధించిన అధికారిక సమాచారం అందుబాటులో లేదు. అదేసమయంలో హర్ష్ మెహతా – మలైకా అరోరా మధ్య వయస్సు వ్యత్యాసం కూడా విస్తృతంగా చర్చించబడుతోంది. ఎందుకంటే వీరి వయస్సు వ్యత్యాసం 5 లేదా 10 సంవత్సరాలు కాదు, ఏకంగా 19 సంవత్సరాలు. మలైకా తన ప్రియుడి కంటే 19 సంవత్సరాలు పెద్దది. హర్ష్ వయసు 33 కాగా, మలైకా వయసు 52. గతంలో ఆమె డేట్ చేసిన అర్జున్ కపూర్ తో కూడా ఆమెకు 12 ఏళ్ళ ఏజ్ గ్యాప్ ఉండేది.