Mahesh Babu: అయ్యా అయ్యా ఆ ఒక్క ఫైట్ రిలీజ్ చెయ్యండయ్యా…
హోలీ పండగ ఎప్పుడు వచ్చినా ప్రజలంతా రంగులు చల్లుకుంటూ పండగ సెలబ్రేట్ చేసుకుంటూ ఉంటారు. మహేశ్ బాబు అభిమానులు మాత్రం సోషల్ మీడియాలో ‘సార్ ఆ ఒక్క ఫైట్ రిలీజ్ చెయ్యండి సార్’ అంటూ ట్వీట్స్ చేస్తూ ఉంటారు. సూపర్ స్టార్ మహేశ్ బాబు, కమర్షియల్ సినిమాలకి మెసేజ్ టచ్ ఇచ్చే కొరటాల శివ కలిసి చేసిన రెండో సినిమా ‘భరత్ అనే నేను’. CMగా మహేశ్ నటించిన ఈ మూవీ 230 కోట్లు వరకూ రాబట్టి సెన్సేషన్ క్రియేట్ చేసింది. కియారా అద్వానీ హీరోయిన్ గా నటించిన ఈ మూవీలో మహేశ్ బాబు చాలా స్టైలిష్ గా కనిపిస్తాడు. యాక్షన్ ఎపిసోడ్స్ కూడా స్టైలిష్ గానే ఉంటాయి. మహేశ్ బాబుది ముఖ్యమంత్రి పాత్ర కాబట్టి ఆ పాత్రకి తగ్గట్లు ఫైట్స్ ని కంపోజ్ చేశారు. అయితే అభిమానుల కోసం కొరటాల శివ ‘భరత్ అనే నేను’ సినిమాలో ఒక స్పెషల్ ఎపిసోడ్ ని డిజైన్ చేసుకున్నాడు. హోలీ పండగ రోజు జరిగే ఒక యాక్షన్ ఎపిసోడ్ ని ఘట్టమనేని అభిమానులకి స్పెషల్ ట్రీట్ ఇచ్చేలా కొరటాల శివ ఒక ఫైట్ ని ప్లాన్ చేసుకున్నాడు.
Read Also: Mahesh Babu: ఓ అన్నా.. అన్నం తింటున్నావా.. అందం తింటున్నావా
షూటింగ్ కూడా జరిగిన ఈ యాక్షన్ ఎపిసోడ్ సినిమాలో మాత్రం కనిపించలేదు. లెంగ్త్ పెరిగిందనో లేక ఫ్లోకి అడ్డం వస్తుందనో తెలియదు కానీ మేకర్స్ ఈ ఫైట్ ని ఫైనల్ ఎడిట్ లో సినిమా నుంచి కట్ చేశారు. దీంతో సరేలే థియేటర్ లో లేకపోయినా యుట్యూబ్ లో అయినా హోలీ ఫైట్ ని రిలీజ్ చేస్తారేమో అని ఘట్టమనేని అభిమానులు 2018 నుంచి ఎదురు చూస్తూనే ఉన్నారు. అయిదు ఏళ్లు అయినా భరత్ అనే నేను హోలీ ఫైట్ మాత్రం రిలీజ్ కాలేదు. ప్రతి హోలీ పండగ రోజున మాత్రం అప్పటి షూటింగ్ ఫోటోస్ ని పోస్ట్ చేస్తూ మహేశ్ ఫాన్స్ ‘ఈ ఫైట్ రిలీజ్ చెయ్యండి సార్’ అని అడుగుతూ ఉంటారు. మరి ఈ రిక్వెస్ట్ ని కన్సిడర్ చేసి ఏ రోజుకైనా భరత్ అనే నేను సినిమా హోల్ ఫైట్ ని మేకర్స్ రిలీజ్ చేస్తారేమో చూడాలి.
Read Also: Mahesh Babu: అప్పుడు మహేశ్ బాబుకి హిట్ కావాలి, ఇప్పుడు మహేశ్ అంటేనే హిట్…