రామ్ గోపాల్ వర్మ స్వీయ దర్శకత్వంలో నిర్మించిన సినిమా ‘డేంజరస్’. లెస్బియనిజం నేపథ్యంలో తెరకెక్కిన ఈ చిత్రానికి తెలుగులో ‘మా ఇష్టం’ అనే పేరు పెట్టారు. ‘బ్యూటీపుల్’ ఫేమ్ నైనా గంగూలీ, ‘థ్రిల్లర్’ బ్యూటీ అప్సర రాణి ఇందులో ప్రధాన పాత్రలు పోషించారు. ఈ సినిమాను తెలుగుతో పాటు హిందీ, తమిళ, కన్నడ భాషల్లో ఏప్రిల్ 8న వర్మ విడుదల చేయబోతున్నారు. ఇప్పటికే సెన్సార్ కార్యక్రమాలు పూర్తి చేసుకుని ‘ఎ’ సర్టిఫికెట్ పొందని ఈ మూవీ తెలుగు హక్కుల్ని భీమవరం టాకీస్ అధినేత తుమ్మలపల్లి రామ సత్యనారాయణ సొంతం చేసుకున్నారు. గతంలో ఆయన రామ్ గోపాల్ వర్మ తో ‘ఐస్ క్రీమ్, ఐస్ క్రీమ్ -2’ చిత్రాలను నిర్మించారు. ఈ ‘ఇద్దరు అమ్మాయిల ప్రేమకథ’ తప్పకుండా యువతరాన్ని ఆకట్టుకుంటుందనే విశ్వాసాన్ని రామసత్యనారాయణ వ్యక్తం చేస్తున్నారు.
Read Also : RRR : అతనొక్కడే… మహేష్ బాబు రివ్యూ
