MaaInti Bangaaram : ‘మా ఇంటి బంగారం’ కోసం పోటెత్తిన మహిళలు

 ప్రేక్షకులు ఏం మిస్ అవుతున్నారో కరెక్ట్‌గా గమనించి సరైన సమయంలో సరైన సినిమాను అందిస్తే బాక్సాఫీస్ వద్ద టెన్షన్ పడాల్సిన పనే లేదని మరోసారి నిరూపితమైంది. తాజాగా విడుదలైన ‘మా ఇంటి బంగారం’ సినిమాకు థియేటర్ల వద్ద ఊహించని స్థాయిలో రెస్పాన్స్ వస్తోంది. సమంత లీడ్ రోల్ లో వచ్చిన ఈ సినిమాకు నందిని రెడ్డి దర్శకత్వం వహించారు. ఈ నెల 19న విడుదలైన ఈ సినిమా సూపర్ హిట్ టాక్ తో దూసుకెళ్తోంది. ముఖ్యంగా మహిళా ప్రేక్షకులు ఈ సినిమాను చూసేందుకు భారీగా తరలివస్తుండటంతో థియేటర్లన్నీ పండగ వాతావరణాన్ని తలపిస్తున్నాయి.

పెళ్లికి మహిళలంతా పెద్ద సంఖ్యలో వస్తే ఎలాంటి సందడి ఉంటుందో.. ఇప్పుడు ‘మా ఇంటి బంగారం’ ప్రదర్శితమవుతున్న థియేటర్ల వద్ద అలాంటి దృశ్యాలే కనిపిస్తున్నాయి. ఎటు చూసినా మహిళా ప్రేక్షకులే. గ్రూపులు గ్రూపులుగా థియేటర్స్ లో సందడి చేస్తున్నారు. ఫ్యామిలీ ఆడియన్స్‌ను, ముఖ్యంగా లేడీస్‌ను కనెక్ట్ చేసే బలమైన కంటెంట్ ఉండటంతో ఈ రేంజ్ లో లేడీస్ థియేటర్లకు క్యూ కడుతున్నారు. గత కొంతకాలంగా కమర్షియల్, యాక్షన్ సినిమాల హడావుడిలో ఫ్యామిలీ ఎమోషన్స్ ఉన్న సినిమాలను ప్రేక్షకులు మిస్ అవుతున్నారు. సరిగ్గా ఈ పాయింట్‌నే మేకర్స్ క్యాష్ చేసుకున్నారు. ఆడియెన్స్ కు కావాల్సిన కుటుంబ కథా చిత్రాన్ని పర్ఫెక్ట్ టైమింగ్‌లో థియేటర్లలోకి తీసుకురావడంతో పాటు దానికి తోడు టికెట్ ధరలు కూడా నార్మల్ గా ఉండడంతో  ఫ్యామిలీ ఆడీయన్స్ ఈ సినిమాకు బ్రహ్మరథం పడుతున్నారు. కెరిర్ లోనే బిగ్గెస్ట్ కలెక్షన్స్ సాధిస్తూ లేడి సూపర్ స్టార్ అనిపించుకుంది సామ్.