లతా మంగేష్కర్ గురించి ఈ విషయాలు తెలుసా ?
- Follow Us :
-
-
Add as a preferred
source on google
లెజెండరీ సింగర్ లతా మంగేష్కర్ కన్నుమూత అందరికీ దిగ్భ్రాంతిని కలిగించింది. ఈ ప్రముఖ గాయని ఎనిమిది దశాబ్దాల అద్భుతమైన కెరీర్లో 36 భాషలలో అనేక రకాల పాటలను పాడారు. ఎంతోమంది కొత్త తరాలకు ఆమె స్ఫూర్తిగా నిలిచింది. ప్రస్తుతం ఆమె గురించి మనకు తెలియని విషయాలను తెలుసుకుందాం.
Read Also : లతా మంగేష్కర్ మృతికి ప్రధాని సంతాపం
- శేవంతి, దినతన్ మంగేష్కర్లకు జన్మించిన పెద్ద బిడ్డ లతా మంగేష్కర్. ఆమెకు నలుగురు తోబుట్టువులు ఆశా భోంస్లే, ఉష, మీనా, హృదయనాథ్ ఉన్నారు.
- లతా తల్లి ఆమె తండ్రికి రెండవ భార్య. దీనానాథ్ మొదటి భార్య లత అత్త. ఆమె వివాహం జరిగిన కొన్ని రోజుల్లోనే మరణించింది.
- లత పుట్టినప్పుడు ఆమెకు హేమ అని పేరు పెట్టారు. తన తండ్రి నాటకాలలో లతిక అనే పాత్ర ప్రేరణతో ఆమె పేరు లతగా మార్చారు.
- దీనానాథ్ థియేటర్ ఆర్టిస్ట్, శాస్త్రీయ గాయకుడు. అందుకే లత చిన్నప్పటి నుండే సంగీతానికి అలవాటు పడింది. తన ఐదేళ్ల వయసులో ఆమె తన తండ్రి నాటకంలో కూడా పాత్ర పోషించింది.
- తన తండ్రి మరణానంతరం, లత కుటుంబానికి ఏకైక ఆధారం అయింది. ఆమె పాడిన మొదటి పాట మరాఠీ చిత్రం ‘కితి హసల్’. ఈ సినిమా కొన్ని సమస్యల కారణంగా విడుదల కాలేదు.
- లతా తన జీవితంలో మొదటి 16 సంవత్సరాలు ఆమె జన్మించిన ఇండోర్ లోనే నివసించింది. ఆమె పుట్టిన ఇల్లు ఇప్పుడు ఒక బట్టల షోరూమ్.
- లత 1942-1948 సంవత్సరాల మధ్య ఎనిమిది చిత్రాలలో నటించారు. ఆమె ‘ఆనందఘన్’ అనే మారు పేరుతో కొన్ని మరాఠీ చిత్రాలకు సంగీతం అందించింది.
- లతా మంగేష్కర్ సంగీత దర్శకుడు గులాం హైదర్ని తన గాడ్ఫాదర్గా అభివర్ణించారు.
- ప్రతిష్టాత్మకమైన లండన్లోని రాయల్ ఆల్బర్ట్ హాల్లో ప్రదర్శన ఇచ్చిన మొట్టమొదటి భారతీయ కళాకారిణి లత.
- ఆమెకు ఇష్టమైన క్రీడ క్రికెట్ను ఆస్వాదించడానికి లార్డ్స్ స్టేడియంలో లతాకు శాశ్వత గ్యాలరీ ఉంది.
- 1963 జనవరి 27న న్యూఢిల్లీలోని రాంలీలా మైదాన్లో లతా దేశభక్తి గీతం ‘ఏ మేరే వతన్ కే లోగోన్’ పాటను ప్రదర్శించినప్పుడు అప్పటి ప్రధాని జవహర్లాల్ నెహ్రూ కంటతడి పెట్టారు.