Leo: కోలీవుడ్ స్టార్ హీరో విజయ్, త్రిష జంటగా లోకేష్ కనగరాజ్ దర్శకత్వం వహించిన చిత్రం లియో. ఈ సినిమాను స్క్రీన్ స్టూడియో పై లలిత్ కుమార్ నిర్మించాడు. ఇక ఈ చిత్రంలో సంజయ్ దత్, అర్జున్ సర్జా, మడోన్నా సెబాస్టియన్ లాంటి స్టార్స్ నటించారు. ఎన్నో అంచనాల మధ్య అక్టోబర్ 19 న ప్రేక్షకుల ముందుకు వచ్చిన ఈ సినిమా తమిళ్ ప్రేక్షకులను ఆకట్టుకున్నంతగా తెలుగు ప్రేక్షకులను ఆకట్టుకోలేకపోయింది. ఖైదీ, విక్రమ్ లాంటి సినిమాలు తీసిన లోకేష్ నుంచి లియో లాంటి సినిమాను ఎక్స్పెక్ట్ చేయలేదు అని అభిమానులు చెప్పుకొస్తున్నారు. లోకేష్ సినిమాటిక్ యూనివర్స్ ను కూడా ఇందులో చూపించారు. ఇక ఈ సినిమాలో యాక్షన్ ఓ రేంజ్ లో చూపించారు.
Jyothi Rai: నడిరోడ్డుపై నడుము చూపిస్తూ జగతి ఆంటీ రచ్చ..
మొదట ఈ సినిమాకు యూ/ఏ సర్టిఫికెట్ ను ఇచ్చారు. కొన్ని అన్ కట్స్ తో కూడుకున్న సినిమాను థియేటర్ లో చూశారు. అయితే ప్రేక్షకుల కోరిక మేరకు ఇకనుంచి అన్ కట్స్ లేని లియోను రిలీజ్ చేయనున్నట్లు మేకర్స్ ప్రకటించారు. నవంబర్ 3 నుంచి జీరో కట్స్ తో లియో సినిమా ప్రేక్షకుల ముందుకు రానుందని తెలిపారు. అయితే.. ఈ సినిమా కేవలం 18 ఏళ్లు నిండినవారి కోసమే అని.. చిన్న పిల్లలు ఈ సినిమా చూడడానికి వీల్లేదని మేకర్స్ ఖరాకండీగా చెప్పుకొచ్చారు. ఈ చిత్రంలో నరబలులు లాంటి యాక్షన్ సీన్స్ ఉన్నాయి. వాటిని మొదట కట్ చేసి చూపించారు. ఇక ఇందులో ఎలాంటి కట్స్ ఉండవు అని చెప్పుకొచ్చారు. మరి కట్స్ లేకుండా లియో ఎలాంటి టాక్ ను అందుకుంటుందో చూడాలి.