Kushi: విజయ్ దేవరకొండ, సమంత జంటగా శివ నిర్వాణ దర్శకత్వంలో తెరకెక్కిన చిత్రం ఖుషీ. మైత్రి మూవీ మేకర్స్ నిర్మించిన ఈ చిత్రం సెప్టెంబర్ 1న రిలీజ్ అయ్యి మంచి విజయాన్ని అందుకుంది. ఈ చిత్రంలో సామ్, విజయ్ ల కెమిస్ట్రీ.. హేషమ్ సంగీతం అభిమానులను అద్భుతంగా ఆకట్టుకుంది. ఇక ఈ సినిమా మంచి విజయం అందుకోవడంతో.. విజయ్ దేవరకొండ తన రెమ్యూనిరేషన్ లో ఒక కోటి రూపాయలు తీసి వంద కుటుంబాలకు లక్ష చొప్పున గిఫ్ట్ గా ఇచ్చాడు. దీంతో విజయ్ పై ఉన్న అభిమానం అభిమానుల్లో మరింత పెరిగింది. ఇక ఈ సినిమా ఎప్పుడెప్పుడు ఓటిటీలో వస్తుందా.. ? అని ఫ్యాన్స్ ఎంతగానో ఎదురుచూస్తున్నారు. ఈ నేపథ్యంలోనే ఈ సినిమా డిజిటల్ హక్కులను నెట్ ఫ్లిక్స్ సొంతం చేసుకుందని టాక్ నడుస్తోంది.
Siima Winners: టాలెంట్ అండ్ హార్డ్ వర్క్ ఇన్ వన్ ఫ్రేమ్..
ఇప్పటికే నెట్ ఫ్లిక్స్ ఈ ఏడాది.. మంచి సినిమాలను కొనుగోలు చేసి.. టాప్ ఓటిటీగా ట్రెండ్ సెట్ చేసింది. ఇక ఖుషీని కూడా నెట్ ఫ్లిక్స్ సొంతం చేసుకోవడంతో ఈ ఓటిటీ రేంజ్ మరింత పెరిగే ఛాన్స్ ఉందని నెటిజన్స్ చెప్పుకొస్తున్నారు. సాధారణంగా ఒక సినిమా రిలీజ్ అయిన మూడు వారాల తరువాత ఓటిటీలో వస్తుంది. అయితే అందుతున్న సమాచారం ప్రకారం ఖుషీని మాత్రం నెల తరువాత నెట్ ఫ్లిక్స్ రిలీజ్ చేస్తుందని తెలుస్తోంది. అక్టోబర్ 6 న ఈ సినిమా ఓటిటీలో స్ట్రీమింగ్ కానుందని సమాచారం. మరి థియేటర్ లో సందడి చేసిన ఖుషీ.. నెట్ ఫ్లిక్స్ లో ఎలాంటి విజయాన్ని అందుకుంటుందో చూడాలి.