Keerthy Suresh: చేసిన తప్పే మళ్లీ చేస్తానంటున్న ‘మహానటి’

మహానటి చిత్రంతో జాతీయ అవార్డు అందుకున్న బ్యూటీ కీర్తి సురేష్.. ఏ ముహూర్తాన ఆ సినిమా చేసిందో కానీ అమ్మడికి అప్పటి నుంచి ఇప్పటివరకు ఒక్క మంచి విజయం కూడా దక్కలేదు.. వరుస ప్లాపులు.. ఇటీవల సర్కారు వారి పాట చిత్రంతో కొద్దిగా విజయాన్ని అందుకున్నా.. అది మహేష్ లెక్కలోకి వెళ్లిపోవడంతో మళ్లీ యధాస్థితికి వచ్చేసింది. అయితే మహానటి తరువాత కమర్షియల్ ఫిల్మ్స్ ను వదిలేసి లేడి ఓరియెంటెడ్ చిత్రాలకు సై అంది. అదే ఆమె చేసిన తప్పు అని పలువురు బాహాటంగానే విమర్శిస్తున్నారు. కథలు ఎంచుకోవడం కీర్తి శ్రద్ద చూపించడం లేదని, లేడీ ఓరియెంటెడ్ అనగానే ఓకే చెప్పేయడంతో అవి ప్రేక్షకులను అలరించడం లేదని టాక్ నడుస్తోంది.

అయితే తాజాగా అందుతున్న సమాచారం ప్రకారం అభిమానులు, సన్నహితులు చెప్పినా వినకుండా మళ్లీ లేడి ఓరియెంటెడ్ చిత్రాలకే రెడీ అవుతుందట మహానటి.. కమర్షియల్ చిత్రాలతో పాటు కథ నచ్చితే లేడీ ఓరియెంటెడ్ చిత్రాలకు కూడా రెడీ అని చెప్తుందంట. ఇప్పటికే అమ్మడి చేతిలో మూడు చిత్రాలు ఉన్నాయి.. ఇవి కాకుండా మరో రెండు చిత్రాలను లైన్లో పెట్టింది. ఇవి పూర్తయ్యే లోపులో లేడీ ఓరియెంటెడ్ కథలు వస్తే టక్కున ఓకే చెప్తానని స్టేట్మెంట్ కూడా ఇస్తుందట.. ఒక్కసారి దెబ్బ తిని ఉన్నాక కూడా మళ్లీ ఈ ప్రయోగాలు అవసరమా చిన్ని.. అంటూ కోలీవుడ్ అభిమానులు అమ్మడిని ట్రోల్ చేస్తున్నారు. అయినా ఇవేమి తనకు పట్టవని, తాను లేడీ ఓరియెంటెడ్ కు కూడా సై అంటానని కూర్చున్నదట. ఇక కీర్తి తీసుకున్న నిర్ణయానికి ఆమె అభిమానులు నిరాశకు గురవుతున్నారు. మంచి హీరోల సరసన మంచి పాత్రలు చేయొచ్చు కదా కీర్తి అంటూ ఆమెకు విజ్ఞప్తి చేస్తున్నారట. మరి అభిమానుల మాట విని కమర్షియల్ ఫిల్మ్స్ చేస్తుందా..? లేక తనకు ఇష్టమైన లేడీ ఓరియెంటెడ్ కథలకే ప్రాధాన్యత ఇస్తుందో చూడాలి.