Oscar 2022: కీరవాణికే ఆస్కార్..?

Oscar 2022: ప్రస్తుతం ప్రేక్షకుల అందరి చూపు ఆస్కార్స్ మీదనే ఉంది.. ప్రపంచ నలుమూలల నుంచి వచ్చిన దేశాల మధ్య మన దేశం.. మన తెలుగు సినిమా ఆర్ఆర్ఆర్ ఆస్కార్ అందుకోవాలని ఇండియన్స్ అందరు ఎదురుచూస్తున్నారు. ఇక ఇప్పటికే ఈ సినిమాను ఇంటర్నేషనల్ అవార్డులు వదలడం లేదు. ఒకదాని తరువాత ఒకటి ఏదో ఒక కేటగిరిలో అవార్డులు లభిస్తూనే ఉన్నాయి. ఇప్పటికే లాస్ ఏంజిల్స్ ఫిలిం క్రిటిక్స్ అసోసియేషన్ నుంచి మ్యూజిక్ స్కోర్ కేటగిరీలో కీరవాణి అవార్డు అందుకున్న విషయం తెల్సిందే.

ఇక తాజాగా బోస్టన్ సొసైటీ ఆఫ్ ఫిల్మ్ క్రిటిక్స్లో ఉత్తమ ఒరిజినల్ స్కోర్ విభాగంలో కీరవాణి విన్నర్ గా నిలిచాడు. ఇక దీంతో అభిమానుల్లో ఆస్కార్ కూడా కీరవాణినే అందుకునేలా ఉన్నాడు అంటూ పోల్స్ పెట్టేస్తున్నారు. ఇక కొద్దిసేపటి క్రితమే గోల్డెన్ గ్లోబ్ నామినేషన్లు రిలీజ్ అయ్యాయి. అందులో ఆర్ఆర్ఆర్ స్థానం సంపాదించుకొంది. ఇక మ్యూజిక్ స్కోర్ కేటగిరీలో కీరవాణికే పట్టం కట్టే అవకాశాలు ఉన్నట్లు తెలుస్తోంది. హాలీవుడ్ క్రిటిక్స్ సైతం ఆ బ్యాక్ గ్రౌండ్ మ్యూజిక్ కు ఫిదా అయ్యినట్లు చెప్పుకొస్తున్నారు. ఒకవేళ ఇదే కనుక జరిగితే ఏఆర్ రెహమాన్ తరువాత రెండో ఆస్కార్ ను అందుకున్న సంగీత దర్శకుడిగా కీరవాణి నిలువనున్నాడు. మరి ఆస్కార్స్ లో తమ్ముడు నెగ్గుతాడా..? అన్నయ్య నిలుస్తాడా..? అనేది తెలియాలి.