Aమోడలింగ్ నుంచి సినిమాల్లోకి వచ్చిన కయాదు లోహార్ మొదట చిన్న పాత్రలతో తనను తాను ప్రూవ్ చేసుకుంది. నాచురల్ యాక్టింగ్, స్క్రీన్ ప్రెజెన్స్తో దర్శకుల దృష్టిని ఆకర్షిస్తూ, ఇప్పుడు లీడ్ హీరోయిన్గా అవకాశాలు అందుకుంటోంది. గత సంవత్సరం “డ్రాగన్”తో పర్వాలేదనిపించుకున్న కయాదు, ఈ ఏడాది విశ్వక్ సేన్ హీరోగా వచ్చిన “ఫంకీ”లో ‘చిత్ర’ పాత్రలో కనిపించింది. యూత్ఫుల్ ఎంటర్టైనర్గా వచ్చిన ఈ సినిమా, బాక్సాఫీస్ వద్ద ఆశించిన స్థాయిలో ప్రభావం చూపించలేకపోయింది. అయితే, ఆమె లైనప్ మాత్రం ఇండస్ట్రీలో చర్చనీయాంశంగా మారుతోంది. నాని హీరోగా, శ్రీకాంత్ ఓదెల దర్శకత్వంలో తెరకెక్కుతున్న ది పారడైజ్ సినిమాలో కయాదు లోహార్ కీలక పాత్రలో నటిస్తోంది. నాని కెరీర్లో హై బడ్జెట్తో రూపొందుతున్న ఈ యాక్షన్ థ్రిల్లర్లో, ఆమె పాత్ర కథలో ముఖ్యమైన మలుపు తీసుకురానుందని టాక్. ఇప్పటికే షూటింగ్ చివరి దశకు చేరుకున్న ఈ సినిమా, ఆగస్టు 21, 2026న వరల్డ్ వైడ్గా విడుదలకు సిద్ధమవుతోంది.
Also Read:Yash : హైప్ ఉన్నంత కంటెంట్ ఉంటుందా?
ఇక మలయాళంలో తెరకెక్కుతున్న పళ్లి చట్టంబిలో కూడా కయాదు లోహార్ కీలక పాత్రలో కనిపించనుంది. టోవినో థామస్ హీరోగా నటిస్తున్న ఈ సినిమా ట్రైలర్ ఇప్పటికే విడుదలై ఆసక్తిని కలిగిస్తోంది. యాక్షన్, ఎమోషన్ మిళితమైన కథతో పాటు, 1950ల కేరళ రాజకీయ, సామాజిక నేపథ్యాన్ని ఈ సినిమాలో చూపించనున్నారు. ఏప్రిల్ 10న విడుదల కానున్న ఈ సినిమా మలయాళ ఇండస్ట్రీలో ఆమె ప్రెజెన్స్ను ఎలా నిలబెడుతుందో చూడాలి. కయాదు లోహార్ లైనప్లో మరో ప్రాజెక్ట్ ఐ యామ్ గేమ్. దుల్కర్ సల్మాన్ హీరోగా నటిస్తున్న ఈ యాక్షన్ థ్రిల్లర్ను నహాస్ హిదాయత్ తెరకెక్కిస్తున్నాడు. ఈ సినిమాలో కయాదు హీరోయిన్గా నటిస్తోంది. ఇదే కాకుండా… తెలుగు లో ఇమ్మోర్టల్ సినిమాలో G. V. ప్రకాష్ కుమార్ సరసన కూడా కనిపించనుంది. ఇలా తెలుగు, తమిళ, మలయాళ భాషల్లో వరుస ప్రాజెక్ట్స్ చేస్తూ, కయాదు లోహార్ తన కెరీర్ను విస్తరించే దిశగా ముందుకు సాగుతోంది.
