తెలుగు వారిపై సంచలన వ్యాఖ్యలు చేసి ఆ తర్వాత వాటిని కవర్ చేసే ప్రయత్నం చేసుకున్న నటి కస్తూరి మరోసారి ఒక లేఖ విడుదల చేసింది. గతంలో మీడియాతో మాట్లాడుతూ తాను తెలుగు పాలిటిక్స్ లో ఎంటర్ అవ్వాలి అనుకుంటున్నానని పవన్ కళ్యాణ్ ఆశయాలను సాధిస్తానని అంటూ భిన్నమైన వ్యాఖ్యలు చేసింది. ఇక ఆ వ్యాఖ్యలు ఇప్పటికే సోషల్ మీడియాలో మీడియాలో వైరల్ అవుతున్నాయి. ఆ విషయం మరిచిపోక ముందే ఆమె ఒక లేఖ రిలీజ్ చేయడం హాట్ టాపిక్ అవుతోంది. ఆమె ఆ లేఖలో గత రెండు రోజులుగా నాకు అనేక బెదిరింపులు, దాడులు చేస్తామనే బెదిరింపులు వచ్చాయి అని పేర్కొంది. ఆ బెదిరింపులే నా సంకల్పాన్ని మరింత పెంచాయన్న ఆమె నేను నిజమైన జాతీయవాదినని చెప్పుకొచ్చింది.
Also Read: Thandel: అనుకున్నదే చెప్పారు.. రిలీజ్ ఎప్పుడంటే?
నేను ఎప్పుడూ కుల, ప్రాంతీయ భేదాలకు అతీతంగా జీవించాననీ పేర్కొన్న కస్తూరి తెలుగుతో ప్రత్యేక అనుబంధం ఉండడం నా అదృష్టమని పేర్కొంది. తెలుగు వారు నాకు పేరు, కీర్తి, ప్రేమను అందించారన్న ఆమె నేను వ్యక్తీకరించిన అభిప్రాయాలు కొందరిని మాత్రమే, అందరినీ అనలేదని చెప్పుకొచ్చింది. నా తెలుగు కుటుంబాన్ని బాధపెట్టడం నా ఉద్దేశ్యం కాదన్న ఆమె మీ మనసును బాధ పెట్టి ఉంటే నన్ను క్షమించండి అని పేర్కొంది. అంతే కాదు 3వ తేదిన మాట్లాడిన నా ప్రసంగంలో తెలుగుకు సంబంధించిన అన్ని మాటలను ఉపసంహరించుకుంటున్నానని అన్నారు. వచ్చిన వివాదం నేను ఆ ప్రసంగంలో లేవనెత్తిన ముఖ్యమైన అంశాల నుండి దృష్టిని మళ్లించింది అని ఆమె పేర్కొన్నారు.
