Thandel: అనుకున్నదే చెప్పారు.. రిలీజ్ ఎప్పుడంటే?

Thandel: నాగచైతన్య హీరోగా సాయి పల్లవి హీరోయిన్గా నటిస్తున్న తాజా చిత్రం తండేల్. చందు మొండేటి దర్శకత్వంలో ఈ సినిమాని గీత ఆర్ట్స్ 2 బ్యానర్ మీద బన్నీ వాసు నిర్మిస్తున్నారు. ఇక ఈ సినిమాని అత్యంత ప్రతిష్టాత్మకంగా భారీ బడ్జెట్ తో తెరకెక్కిస్తున్నారు. శ్రీకాకుళం జిల్లాకు చెందిన జాలర్లు గుజరాత్ లో చేపల వేటకు వెళ్లి పాకిస్తాన్ నేవీ చేతులకు చిక్కి జైలు శిక్ష అనుభవిస్తారు. ఆ తర్వాత ఆ జాలర్ల బృందం తిరిగి భారతదేశానికి ఎప్పుడు తిరిగి వచ్చింది? ఎలా తిరిగి వచ్చింది? వంటి అంశాలను ఈ సినిమాలో ఆసక్తికరంగా తెరకెక్కించారు. మరో ఆసక్తికరమైన అంశం ఏమిటంటే ఆ జాలర్లలో చిక్కుకుపోయిన ఒక యువకుడే ఈ సినిమాకి కథ అందించడం గమనార్హం.

Also Read: Aishwarya: ఐశ్వర్యను ఒంటరిగా వదిలివేసి.. ఆమె పక్కన కూర్చున్న అభిషేక్?

కార్తీక్ అనే యువకుడు అందించిన ఈ కథను చందు మొండేటి దర్శకత్వంలో తెలుగు ప్రేక్షకులు ముందుకు తీసుకువచ్చేందుకు గీతా ఆర్ట్స్ ముందుకొచ్చింది. ఇక ఈ సినిమా షూటింగ్ దాదాపు పూర్తి కావచ్చింది. తొలుత డిసెంబర్ 20వ తేదీన రిలీజ్ చేయాలనుకున్నారు కానీ ఆ డేట్ కి షూటింగ్ పూర్తి కాకపోవచ్చు అనే ఉద్దేశంతో తర్వాత సంక్రాంతికి రిలీజ్ చేస్తారని ప్రచారం జరిగింది. కానీ ఎట్టకేలకు ఈ సినిమాని ఫిబ్రవరి 7వ తేదీన రిలీజ్ చేస్తున్నట్లు ఈరోజు ఏర్పాటు చేసిన ప్రెస్ మీట్ లో సినిమా యూనిట్ అధికారికంగా ప్రకటించింది. ఇక ఈ డేట్ రిలీజ్ అవుతుందని ముందు నుంచే సోషల్ మీడియాలో లీక్స్ వచ్చాయి ఆ లీక్స్ నిజం చేస్తూనే ఇప్పుడు సినిమా యూనిట్ కూడా అధికారికంగా సినిమా డేట్ ని ఫిబ్రవరి 7వ తేదీన రిలీజ్ చేస్తున్నట్లు ప్రకటించడం గమనార్హం.