Kangana Ranaut: కంగనా, రామ్దేవ్ వివాదానికి రాఖీతో ముగింపు.. మిఠాయిలతో మళ్లీ అన్నాచెల్లెళ్ల బంధం!
- Follow Us :
-
-
Add as a preferred
source on google
Kangana Ranaut: కొద్ది రోజులుగా సోషల్ మీడియా, బాలీవుడ్, రాజకీయ వర్గాల్లో హాట్ టాపిక్గా మారిన కంగనా రనౌత్, బాబా రామ్దేవ్ మాటల యుద్ధానికి ఎట్టకేలకు తెరపడింది. జెన్ జీ యువతపై కంగనా చేసిన వ్యాఖ్యలతో మొదలైన వివాదం, ఆ తర్వాత వ్యక్తిగత విమర్శల వరకు వెళ్లింది. ఒకరిపై ఒకరు ఘాటైన వ్యాఖ్యలు చేసుకోవడంతో ఈ వ్యవహారం ఎక్కడి వరకు వెళ్తుందోననే ఆసక్తి నెలకొంది. కానీ రక్షాబంధన్ సందర్భంగా ఊహించని విధంగా ఇద్దరూ తమ వైఖరిని మార్చుకున్నారు. రామ్దేవ్ పంపిన రాఖీ పండుగ శుభాకాంక్షలు, మిఠాయిలను కంగనా స్వీకరించడంతో ఈ వివాదానికి శుభం కార్డు పడినట్లైంది. ఇటీవల ఒక కార్యక్రమంలో పాల్గొన్న కంగనా రనౌత్ జెన్ జీని ఉద్దేశిస్తూ చేసిన వ్యాఖ్యలు సోషల్ మీడియాలో చర్చకు దారితీశాయి. ముఖ్యంగా యువతను కించపరిచేలా మాట్లాడారని విమర్శలు వచ్చాయి. ఈ వ్యాఖ్యలపై యోగా గురువు బాబా రామ్దేవ్ తీవ్రంగా స్పందించారు. యువతను అలాంటి పదాలతో సంబోధించడం సరైనది కాదని, కంగనా వ్యక్తిగత జీవితం, గతాన్ని కూడా ప్రస్తావిస్తూ ఆయన ఘాటైన వ్యాఖ్యలు చేశారు.
రామ్దేవ్ వ్యాఖ్యలకు కంగనా కూడా అదే స్థాయిలో స్పందించారు. తన వ్యక్తిగత జీవితం, గతం గురించి మాట్లాడే హక్కు ఎవరికీ లేదని స్పష్టం చేశారు. అంతేకాకుండా పతంజలి సంస్థకు సంబంధించిన తప్పుడు ప్రకటనల కేసులో సుప్రీంకోర్టు చేసిన వ్యాఖ్యలను ప్రస్తావిస్తూ రామ్దేవ్పై సోషల్ మీడియా వేదికగా వ్యంగ్యాస్త్రాలు సంధించారు. దీంతో ఇద్దరి మధ్య మాటల యుద్ధం మరింత ముదిరింది. అయితే రక్షాబంధన్ సందర్భంగా రామ్దేవ్ స్వయంగా వివాదానికి ముగింపు పలికేందుకు ముందుకు రావడం కీలకంగా మారింది. దేశంలో ద్వేషం, శత్రుత్వానికి స్థానం ఉండకూడదని, సమస్యలు ఏవైనా చర్చల ద్వారా పరిష్కరించుకోవాలని ఆయన అన్నారు. కంగనా తనకు సోదరి లాంటిదని భావిస్తూ, రక్షాబంధన్ సందర్భంగా ఆమెకు మిఠాయిలు పంపి శుభాకాంక్షలు తెలియజేస్తానని చెప్పారు.
Also Read
- Salman Khan-Shraddha Kapoor: శ్రద్ధా కపూర్కు సారీ చెప్పిన సల్మాన్.. ఇంతకీ ఏం జరిగింది?
- Varanasi OTT Deal: ‘వారణాసి’ ఓటీటీ డీల్.. ఊహించని ధర!
- January 12 Vidudala నుంచి మొదటి సాంగ్ వచ్చేసింది.. డ్యాన్స్తో అదరగొట్టిన కీర్తి, కృతి!
- Sara Tendulkar Wedding: శుభ్మన్ గిల్ కాదు.. యువ హీరోతో సారా టెండూల్కర్ పెళ్లి?
రామ్దేవ్ చేసిన ఈ వ్యాఖ్యలకు కంగనా కూడా సానుకూలంగా స్పందించారు. ఆయన వీడియోను తన ఇన్స్టాగ్రామ్ లో షేర్ చేస్తూ రక్షాబంధన్ రోజున పాత విషయాలను మర్చిపోవడం ఉత్తమమని పేర్కొన్నారు. రామ్దేవ్ పంపిన ప్రేమను, మిఠాయిలను స్వీకరిస్తున్నట్లు వెల్లడించారు. ఆయనకు దేవుడు దీర్ఘాయుష్షు ప్రసాదించాలని కూడా ఆకాంక్షించారు. దీంతో కొన్ని రోజులుగా కొనసాగుతున్న ఈ ఘాటు వ్యాఖ్యల వ్యవహారం ఒక్కసారిగా సాఫీగా ముగిసింది. ఒకవైపు సోషల్ మీడియాలో విమర్శలు, ప్రతివిమర్శలతో వేడెక్కిన వాతావరణం ఉండగా, మరోవైపు పండుగ సందర్భంగా పరస్పర గౌరవంతో వ్యవహరించడం చర్చనీయాంశంగా మారింది. ముఖ్యంగా కంగనా రామ్దేవ్ను సోదరుడిగా పేర్కొంటూ ఆయన పంపిన మిఠాయిలను స్వీకరించడం ఈ వివాదానికి అనూహ్యమైన ముగింపుగా నిలిచింది. వీళ్ళ వివాదం ముగింపుకు చాలా మంది హర్షం వ్యక్తం చేస్తున్నారు. అయితే కంగనా, తాప్సీ పన్నుల వివాదానికి కూడా ఇలాగే శుభం కార్డ్ పడితే బాగుంటుందని సోషల్ మీడియా వేదికగా పలువురు నెటిజన్లు కామెంట్లు పెడుతున్నారు.
తాజావార్తలు
-
US-China Chip War: అమెరికా-చైనా మధ్య చిప్ వార్.. 5 దేశాలపై ఆంక్షలు.. ఏఐ రంగంలో సంక్షోభం!
-
HSRP Number Plate : తెలంగాణ వాహనదారులకు అలర్ట్.. నంబర్ ప్లేట్లపై స్పెషల్ డ్రైవ్..
-
US Report: భారత్ ఎదుగుదలను తట్టుకోలేక.. ఆపరేషన్ సిందూర్లో పాక్కు చైనా మద్దతు..
-
TGCSB Busts Movie Piracy Gang: థియేటర్లో ఫోన్ కెమెరా.. ఆన్లైన్లో లీక్.. కర్నూలు కుర్రాళ్ల హైటెక్ పైరసీ బాగోతం గుట్టురట్టు..
-
Best Winter Destinations in India : వింటర్ ట్రిప్ ప్లాన్ చేస్తున్నారా?.. ఈ 10 ప్రదేశాలు మిస్ కావొద్దు.!
ట్రెండింగ్
-
Curry Leaves Pickle: కమ్మని రుచితో, నెలల తరబడి నిల్వ ఉండే ‘కరివేపాకు పచ్చడి’.. వేడి వేడి అన్నంలోకి తింటే వావ్ అనాల్సిందే..!
-
Ambati Rayudu: హైదరాబాద్ ఆటగాళ్లకు ఎప్పుడూ అన్యాయమేనా..? ముంబై ఆటగాళ్లపై సంచలన వ్యాఖ్యలు..!
-
Ambati Rayudu: పని చేయాలంటే కోహ్లీలా.. పని చేయించాలంటే ధోనీలా ఉండాలి.!
-
Couple Attacked: పార్కులో ఫొటోలు దిగుతున్న జంటపై కర్రలతో దాడి.. అదుపులోకి 8 మంది మైనర్లు..!
-
Viral Video: ఛీ.. ఛీ.. వ్యూస్ కోసం ఇంతకు దిగజారాలా..? బస్సులో ప్రయాణికుడితో యువతి వికృత చేష్టలు..!