చందమామ కాజల్ అగర్వాల్ కు క్రేజ్ ఏమాత్రం తగ్గడం లేదు. తల్లి కాబోతున్నప్పటికీ ఆమె ఫాలోయింగ్ రానురానూ మరింతగా పెరిగిపోతోంది. భర్త గౌతమ్ కిచ్లుతో తన మొదటి బిడ్డ కోసం ఎదురు చూస్తున్న ఈ బ్యూటీ తాజాగా ఇన్‌స్టాగ్రామ్‌లో 21 మిలియన్ల మంది ఫాలోవర్లతో మరో మైలురాయిని దాటింది. ఈ సంతోషకరమైన విషయాన్ని తెలియజేస్తూ కాజల్ తన త్రోబాక్ ఫోటోషూట్ కు సంబంధించిన కొన్ని అద్భుతమైన ఫొటోలతో షేర్ చేసింది.
Read Also : Trisha : స్టార్స్ తో డిన్నర్ పార్టీ… ఏంటీ స్పెషల్?
“నా ఇన్‌స్టా కుటుంబం… 21 మిలియన్ల ప్రేమకు ధన్యవాదాలు. నేను మిమ్మల్ని 21 మిలియన్ సార్లు ప్రేమిస్తున్నాను!” అంటూ కాజల్ రెడ్ లెహంగాలో మ్యాచింగ్ చోలీ ధరించిన ఫోటోలను షేర్ చేసింది. లెహంగా క్లిష్టమైన ఎంబ్రాయిడరీతో కట్ డిజైన్‌తో నెట్టెడ్ దుపట్టాతో ఉంది. ఆమె గ్లామరస్ మేకప్ లుక్ తో పాటు, సిల్వర్ హీల్స్ తో మోడ్రన్ గా కన్పిస్తోంది. కొన్ని రోజుల క్రితం కాజల్ బాడీ షేమర్‌లకు కౌంటర్ ఇచ్చి వార్తల్లో నిలిచింది. గర్భధారణ సమయంలో మహిళలు తమ శరీర మార్పులను ఎలా స్వీకరించాలి అనే దానిపై ఆమె సుదీర్ఘ పోస్ట్ రాసింది. ఇక కాజల్ సినిమాల విషయానికొస్తే… ‘హే సినిమాకా’లో కనిపించనుంది. దుల్కర్ సల్మాన్, అదితి రావ్ హైదరీ నటించిన ఇది మార్చి 3న ప్రేక్షకుల ముందుకు రావడానికి సిద్ధంగా ఉంది.
