ముందు ‘పుష్ప’, వెనక ‘ఆర్ఆర్ఆర్’… అయినా తగ్గేదే లే !

నేచురల్ స్టార్ నాని నటించిన తాజా చిత్రం “శ్యామ్ సింగ రాయ్” విడుదలకు సిద్ధంగా ఉంది. డిసెంబర్ 24న ఈ చిత్రం ప్రేక్షకుల ముందుకు రానుంది. ముందు ‘పుష్ప’, వెనక ‘ఆర్ఆర్ఆర్’ వంటి రెండు భారీ పాన్ ఇండియా సినిమాలు విడుదలకు సిద్ధంగా ఉన్నప్పటికీ… అయినా తగ్గేదే లే అంటున్నారు ‘శ్యామ్ సింగ రాయ్’ చిత్రబృందం.

Read Also : ‘అందాల రాక్షసి’ లావణ్య త్రిపాఠి…!

ఈ సినిమా ప్రీ రిలీజ్ ఈవెంట్ నిన్న సాయంత్రం వరంగల్ లో జరిగింది. ఈ వేడుకలో భాగంగా నాని మాట్లాడుతూ “నాకు కల్లు ఇష్టం, వరంగల్ ఇష్టం. నాన్ స్టాప్ గా పెద్ద పెద్ద సినిమాలు రిలీజ్ అవుతున్నాయి. ముందు పుష్ప, వెనుక ఆర్ఆర్ఆర్… ఏంటి ‘శ్యామ్ సింగ రాయ్’ సాండ్ విచ్ అయిపోతుందా ? అని ఓ ఫ్రెండ్ మీమ్ పంపించారు… బ్రెడ్ ఎప్పుడూ బాగానే ఉంటుంది మధ్యలోనే సర్ప్రైజ్ ఉంటుంది. ఈ సంక్రాంతి మనదే… నేను సినిమా చూశాను కాబట్టి నాకు ఫుల్ కాన్ఫిడెన్స్ ఉంది.

దర్శకుడు రాహుల్ సాంకృత్యాన్ సినిమాను మరింత బాగా తీర్చిదిద్దడానికి కష్టపడుతున్నారు, నిర్మాత వెంకట్ బోయినపల్లి నన్ను చాలా గారాబం చేశారు. చిత్రబృందానికి కృతజ్ఞతలు. ఇక హీరోయిన్ సాయి పల్లవి డ్యాన్స్ కు సంబంధించి ఓ ప్రత్యేక సాంగ్ ను త్వరలో రిలీజ్ చేయబోతున్నాము. అది చాలా ప్రత్యేకమైన సాంగ్. సాయి పల్లవి తన పాత్రలో అద్భుతంగా నటించింది. ఇక కృతి శెట్టి ఒకే ఒక్క సినిమా చేసింది. ఎలా చేస్తుందా ? అని డౌట్ ఉండేది. కానీ ఆమె మొదటి రోజు నుంచే బాగా చేసింది. ఆమె త్వరలోనే నెక్స్ట్ పొజిషన్ కు వెళ్తుంది. ఇక మేము ఇక్కడికి వస్తామని చెప్పగానే ఏర్పాట్లన్నీ చూసుకున్నందుకు మినిష్టర్ దయాకర్ గారికి కృతజ్ఞతలు” అంటూ చెప్పుకొచ్చారు.