Harish Rao: ప్రముఖ ఆహా ఓటిటీలో మొట్ట మొదటి సారి సింగింగ్ కాంపిటేషన్ జరిగిన విషయం తెల్సిందే. ఇండియన్ ఐడల్ తెలుగు అనే పేరుతో ప్రసారమైన ఈ కార్యక్రమంలో ఎంతోమంది సింగర్లు తమ సత్తాను చాటారు. మొదటి సీజన్ ను ఎంతో విజయవంతంగా పూర్తిచేసిన ఆహా.. ఇప్పుడు సీజన్ 2 ను కూడా అంతే విజయవంతంగా పూర్తి చేసింది. మ్యూజిక్ డైరెక్టర్ థమన్, సింగర్ కార్తీక్, సింగర్ గీతామాధురి న్యాయ నిర్ణేతలుగా వ్యహరించారు. ఇక ఈ సీజన్ ఫినాలేకు అల్లు అర్జున్ ముఖ్య అతిథిగా విచ్చేసి సందడి చేశాడు. ఇక టాప్ 5 కంటెస్టెంట్స్ అయిన.. సౌజన్య, జయరాం, లాస్యప్రియ, శృతి, కార్తికేయ పోటాపోటీగా పాడిన తీరు ఆకట్టుకుంది. చివరికి సీజన్ 2 విన్నర్ గా సౌజన్య నిలువగా.. రన్నర్ గా లాస్యప్రియ నిలిచింది. లాస్యప్రియ సిద్ధిపేట యువతీ కావడంతో మంత్రి హరీష్ రావు ఆమెను ప్రశంసలతో ముంచెత్తారు.
Sudigali Sudheer: ‘గాలోడు’ రేంజ్ మాములుగా పెరగలేదు.. చిత్రమ్మనే రంగంలోకి దింపేశాడుగా
“ఇండియన్ ఐడల్ తెలుగు -2023.. సింగింగ్ కాంపిటీషన్ లో రన్నర్ అప్ గా నిలిచిన సిద్దిపేట ముద్దుబిడ్డ లాస్య ప్రియ కు హృదయ పూర్వక అభినందనలు 💐
భవిష్యత్ లో మరిన్ని విజయాలు సాధించాలని ఆకాంక్షిస్తున్నాను. తెలుగు సంగీతంలోని మాధుర్యాన్ని అద్భుతంగా ఆవిష్కరించిన గాయకులందరికి గొప్ప భవిష్యత్ ఉండేలా దీవించాలని భగవంతుడిని ప్రార్ధిస్తున్నాను” అని ట్వీట్ చేశారు. ప్రస్తుతం ఈ ట్వీట్ నెట్టింట వైరల్ గా మారింది. ఆయనతో పాటు తెలంగాణకు మంచి పేరు తెచ్చినందుకు ప్రతి ఒక్కరు ఆమెకు శుభాకాంక్షలు తెలుపుతున్నారు.
ఇండియన్ ఐడల్ తెలుగు -2023
సింగింగ్ కాంపిటీషన్ లో రన్నర్ అప్ గా నిలిచిన సిద్దిపేట ముద్దుబిడ్డ లాస్య ప్రియ కు హృదయ పూర్వక అభినందనలు 💐
భవిష్యత్ లో మరిన్ని విజయాలు సాధించాలని ఆకాంక్షిస్తున్నాను. తెలుగు సంగీతంలోని మాధుర్యాన్ని అద్భుతంగా ఆవిష్కరించిన గాయకులందరికి గొప్ప భవిష్యత్… pic.twitter.com/MgL1iOPV36— Harish Rao Thanneeru (@BRSHarish) June 5, 2023
