HariHara Veeramallu: తొడకొట్టిన పవన్ కళ్యాణ్.. అభిమానులకు గూస్‌బంప్స్ తెస్తోన్న ‘పవర్ గ్లాన్స్’

HariHara Veeramallu: పవర్‌స్టార్ పవన్ కళ్యాణ్‌ పుట్టినరోజు సందర్భంగా ఆయన అభిమానులకు అదిరిపోయే ట్రీట్‌ను హరిహరవీరమల్లు చిత్ర యూనిట్ అందించింది. ఈ సినిమా నుంచి పవర్ గ్లాన్స్‌ను శుక్రవారం ఉదయం విడుదల చేసింది. ‘మెడల్ని వంచి, కథల్ని మార్చి కొలిక్కితెచ్చే పనెట్టుకొని తొడకొట్టాడో.. తెలుగోడు’ అనే పాటతో పవన్ ఫైట్స్ గూస్‌బంప్స్ తెచ్చేలా ఉన్నాయి. పీరియాడిక్ కథ నేపథ్యంలో జాగర్లమూడి క్రిష్ ఈ మూవీని తెరకెక్కిస్తున్నాడు. ఏఎమ్ రత్నం సమర్పణలో ఎ.దయాకర్‌రావు ఈ సినిమాను నిర్మిస్తున్నాడు. దయాకర్ రావు మరెవరో కాదు ఏఎం రత్నం సొంత సోదరుడే.

తాజాగా విడుదల చేసిన టీజర్‌లో పవన్ కళ్యాణ్ తొడ కొట్టడంతో అభిమానులు ఊగిపోతున్నారు. విజయరథంతో యుద్ధ భూమిలో కొదమ సింహంలాగా కనిపిస్తున్నాడు. భీమ్లా నాయక్ తర్వాత పవన్ నుంచి వస్తున్న సినిమా ఇదే. వచ్చే ఏడాది సమ్మర్‌లో హరిహరవీరమల్లు సినిమాను విడుదల చేస్తున్నట్లు టీజర్‌లో చిత్ర బృందం ప్రకటించింది. ఈ సినిమాలో నిధి అగర్వాల్ హీరోయిన్‌గా నటిస్తోంది. ఎం.ఎం.కీరవాణి సంగీతం సమకూరుస్తున్నాడు. పవన్ కెరీర్‌లోనే అత్యంత ప్రతిష్టాత్మకంగా రూపొందుతున్న ఈ మూవీ తొలిసారిగా పాన్ ఇండియా రేంజ్‌లో విడుదల కానుంది. తెలుగుతో పాటు తమిళం, కన్నడం, మలయాళం, హిందీ భాషల్లోనూ ఈ సినిమా ప్రేక్షకుల ముందుకు రానుంది.