HHVM : ‘వీరమల్లు’ పోస్టుపోన్.. ఒక రకంగా మంచిదే..

HHVM : అంతా అనుకున్నట్టే జరిగింది. హరిహర వీరమల్లు మళ్లీ వాయిదా పడింది. వరుస వాయిదాలు పడ్డ ఈ మూవీని జూన్ 12న కచ్చితంగా రిలీజ్ చేస్తామని మూవీ టీమ్ ప్రకటించింది. కానీ పెండింగ్ పనులు, వీఎఫ్ ఎక్స్ పనులు పూర్తి కాకపోవడంతో వేరే దారి లేక మళ్లీ వాయిదా వేసేశారు. కానీ కొత్త రిలీజ్ డేట్ ఎప్పుడన్నది చెప్పలేదు. వరుస వాయిదాలు ఫ్యాన్స్ ను ఘోరంగా డిసప్పాయింట్ చేస్తున్నాయి. కానీ ఇక్కడే ఓ విషయాన్ని గుర్తు చేస్తున్నారు ట్రేడ్ పండితులు. జూన్ 12 నుంచి వాయిదా పడటం మంచిదే అంటున్నారు.

Read Also : Thuglife : థగ్ లైఫ్‌ ఫస్ట్ డే కలెక్షన్లు.. మరీ ఇంతేనా..?

సాధారణంగా పెద్ద హీరోల సినిమాలు జూన్ లో రిలీజ్ కావు. ఎందుకంటే జూన్ నెల అంతా స్కూళ్లు, కాలేజీల రీ స్టార్ట్ హడావిడితోనే ఉంటుంది. పేరెంట్స్, స్టూడెంట్స్ తమ డబ్బులు ఫీజులు, కొత్త బుక్స్, డ్రెస్సులు కొనుక్కోవడానికే ఖర్చు పెడుతుంటారు. ఆ టైమ్ లో పెద్ద సినిమాలను కూడా పట్టించుకోరు. తమ చేతిలో ఉన్న డబ్బులు చదువుల కోసమే ఖర్చు పెట్టేసే నెల ఇది.

పైగా వీరమల్లు సరిగ్గా స్కూల్ ఓపెనింగ్ టైమ్ లోనే జూన్ం 12న రిలీజ్ కావాల్సి ఉంది. అది మరింత పీక్స్ టైమ్. అప్పుడు రిలీజ్ చేసినా అనుకున్నంత స్థాయిలో ఓపెనింగ్ కలెక్షన్లు వచ్చేవి కావేమో. ఎంత ఫ్యాన్స్ చూసినా.. అన్ని వర్గాల ప్రేక్షకులు చూస్తేనే కదా మూవీకి లాభాలు. ఆ విషయాలు చూస్తే వీరమల్లు పోస్ట్ పోన్ కావడం కూడా మంచిదే అయిందంటున్నారు. ఏ పండగ సీజన్ లోనో వస్తే కలెక్షన్లు పెరిగే అవకాశాలు ఉన్నాయంటున్నారు. మరి కొత్త డేట్ ఎప్పుడు ప్రకటిస్తారో చూడాలి.

Read Also : Kannappa : కన్నప్పలో రజినీకాంత్ ను తీసుకుందామనుకున్నా.. విష్ణు కామెంట్స్ వైరల్