Zomato Delivery Boy : జొమాటో బాయ్పై దంపతుల దాడి.. కార్ఖానా పోలీస్ స్టేషన్ వద్ద ఉద్రిక్తత..
- లొకేషన్ తప్పుగా చూపించడంతో ఆలస్యంగా డెలివరీ
- డెలివరీ బాయ్పై భర్త, భార్య దాడి.. సీసీటీవీలో రికార్డ్
- సహచరుడికి న్యాయం చేయాలంటూ డెలివరీ బాయ్స్ నిరసన
- ఇరువర్గాల ఫిర్యాదులతో కేసులు నమోదు చేసిన పోలీసులు
- Follow Us :
-
-
Add as a preferred
source on google
సికింద్రాబాద్ కంటోన్మెంట్ పరిధిలోని వాసవి నగర్లో దారుణ ఘటన చోటుచేసుకుంది. ఆర్డర్ లొకేషన్ మ్యాప్లో తప్పుగా చూపిస్తుండటంతో కాస్త ఆలస్యంగా ఆహారం అందించేందుకు వచ్చిన ఆశిష్ అనే జొమాటో డెలివరీ బాయ్పై ఓ దంపతులు విచక్షణారహితంగా దాడికి పాల్పడ్డారు. ఆలస్యం కావడంపై ఇరువర్గాల మధ్య మొదట మాటమాట పెరగడంతో, తీవ్ర ఆగ్రహానికి గురైన భర్త అజయ్ డెలివరీ బాయ్పై భౌతిక దాడికి దిగాడు. ఈ గొడవ మరింత ముదరడంతో అతని భార్య కూడా జోక్యం చేసుకుని, ఆశిష్ తలపై హ్యాండ్తో బలంగా కొట్టింది. ఈ దాడి దృశ్యాలన్నీ సమీపంలోని సీసీ కెమెరాల్లో స్పష్టంగా రికార్డయ్యాయి.
కార్ఖానా పోలీస్ స్టేషన్ వద్ద ఉద్రిక్తత.. డెలివరీ బాయ్స్ నిరసన
సహచరుడిపై జరిగిన దాడి వార్త తెలియడంతో తోటి డెలివరీ బాయ్స్ తీవ్ర దిగ్భ్రాంతికి గురయ్యారు. దాడిని తీవ్రంగా ఖండిస్తూ పెద్ద సంఖ్యలో డెలివరీ బాయ్స్ కార్ఖానా పోలీస్ స్టేషన్ వద్దకు చేరుకుని నిరసనకు దిగారు. బాధితుడికి న్యాయం చేయాలని, నిందితులపై కఠిన చర్యలు తీసుకోవాలని డిమాండ్ చేశారు. ఇదే సమయంలో ఆరోపణలు ఎదుర్కొంటున్న భర్త అజయ్ కూడా పోలీస్ స్టేషన్కు రావడంతో, అక్కడ ఉన్న డెలివరీ బాయ్స్కు, అతనికీ మధ్య తీవ్ర స్థాయిలో వాగ్వాదం, తోపులాట జరిగింది. ఈ పరిణామంతో పోలీస్ స్టేషన్ ప్రాంగణంలో తీవ్ర ఉద్రిక్తత నెలకొంది. ఇరువర్గాల ఫిర్యాదుల మేరకు కార్ఖానా పోలీసులు కేసులు నమోదు చేసి దర్యాప్తు ప్రారంభించారు.
Also Read
- Leopard Spotted : తండాలో చిరుత కలకలం.. బర్రె దూడను చంపి తినేసిన వైనం!
- Food Safety Raids: హైదరాబాద్ హోటళ్లపై ఫుడ్ సేఫ్టీ కొరడా.. 4 రెస్టారెంట్ల లైసెన్సులు సస్పెండ్, 2 సీజ్..
- CM Revanth Reddy : ఎస్సీ, ఎస్టీల సంక్షేమంలో ముందున్నాం
- Uttam Kumar Reddy : నీటి హక్కులపై వెనక్కి తగ్గేది లేదు.. బీఆర్ఎస్పై ఉత్తమ్ ఫైర్
‘సెటిల్మెంట్ కోసం బెదిరిస్తున్నారు’.. బాధితుడి ఆవేదన
బాధితుడు ఆశిష్, అతని కుటుంబ సభ్యులు ఈ ఘటనపై తీవ్ర ఆవేదన వ్యక్తం చేశారు. తమ కొడుకును చంపేందుకు సదరు దంపతులు ప్రయత్నించారని, ఇటువంటి ఘటనలు పునరావృతం కాకుండా వారిపై క్రిమినల్ కేసులు నమోదు చేయాలని డిమాండ్ చేశారు. దాడి అనంతరం ఆశిష్ ఆసుపత్రిలో ఎమ్మెల్సీ (MLC) చేయించుకున్నట్లు తెలిపారు. తాను స్థానికుడినంటూ బెదిరింపులకు దిగుతున్నారని, కేసును ఉపసంహరించుకోవడానికి డబ్బులు ఆఫర్ చేస్తూ సెటిల్మెంట్ చేసుకోమని ఒత్తిడి తెస్తున్నారని ఆశిష్ ఆరోపించారు. తమకు న్యాయం చేయాల్సిన పోలీసులు కూడా సరిగా సహకరించడం లేదని, నిరసనకు వచ్చిన తోటి డెలివరీ బాయ్స్పై కూడా పోలీసులు కేసులు పెట్టారని వాపోయారు. బాధ్యులపై కఠిన చర్యలు తీసుకుని తమకు న్యాయం చేయాలని ఆశిష్ కుటుంబం విజ్ఞప్తి చేసింది.
తాజావార్తలు
-
Koti Deepotsavam 2026 : కోటి దీపోత్సవంలో నేడు విశేష ఘట్టం.. శ్వేతార్క గణపతి కల్యాణం
-
Koti Deepotsavam 2026 : కోటి దీపోత్సవంలో శ్వేతార్క గణపతి కల్యాణం.. భక్తులతో కిక్కిరిసిన ఎన్టీఆర్ స్టేడియం
-
Leopard Spotted : తండాలో చిరుత కలకలం.. బర్రె దూడను చంపి తినేసిన వైనం!
-
Dhoni Jersey: ధోనికి సీఎస్కే అరుదైన గౌరవం.. ఐకానిక్ నంబర్ 7 జెర్సీ రిటైర్..
-
Aakasamlo Oka Tara: స్టార్ హీరోయిన్లను కాదని ఆమెనే ఎందుకు తీసుకున్నామంటే? అసలు విషయం చెప్పిన పవన్ సాధినేని!
-
ఆ పుస్తకం చదివాకే Aakasamlo Oka Tara కథ పుట్టింది.. డైరెక్టర్ పవన్ సాధినేని ఆసక్తికర వ్యాఖ్యలు!
ట్రెండింగ్
-
150 కి.మీ. రేంజ్, బ్యాటరీ స్వాపింగ్ సదుపాయంతో భారత్లోకి VinFast ఎలక్ట్రిక్ స్కూటర్లు..!
-
370 కి.మీ. రేంజ్, 10 అంగుళాల టచ్స్క్రీన్తో భారత్లోకి రానున్న VinFast VF5 ఫేస్లిఫ్ట్..!
-
India Wholesale Inflation: సామాన్యుడి నడ్డి విరుస్తున్న నిత్యావసరాల ధరలు.. నాలుగేళ్ల గరిష్టానికి టోకు ద్రవ్యోల్బణం!
-
38 గంటల బ్యాటరీ బ్యాకప్, IP57 రేటింగ్, 11mm డ్రైవర్లతో Xiaomi Clip Earbuds లాంచ్..!
-
21 రోజుల బ్యాటరీ లైఫ్, 150కి పైగా స్పోర్ట్స్ మోడ్ Xiaomi Watch S5 41mm వచ్చేసింది..! Smart Band 11 కూడానూ..