డిజిటల్ రికార్డ్స్ అనగానే టాలీవుడ్ లో మహేష్ బాబు, పవన్ కళ్యాణ్ గుర్తొస్తారు. ఈ ఇద్దరూ తమ సినిమాల అప్డేట్ ఎప్పుడు బయటకి వచ్చినా పాత రికార్డుల బూజు దులిపి కొత్త రికార్డులు సెట్ చేస్తూ ఉంటారు. ఇతర హీరోలు ఎవరైనా వీరి రికార్డులు బ్రేక్ చేసినా వెంటనే వాటిని మళ్లీ బ్రేక్ చేసి తమ పేరు పైకి వచ్చేలా చేస్తారు. రికార్డులు అనే కాదు సోషల్ మీడియాలో మోస్ట్ యాక్టివ్ గా ఉండే ఫ్యాన్ బేసుల్లో కూడా మహేష్ ఫ్యాన్స్ అండ్ పవన్ ఫ్యాన్స్ టాప్ ప్లేస్ లో ఉంటారు. పవన్ కాస్త సినిమాలు తగ్గించడంతో ఇప్పుడు సోషల్ మీడియాలో ఎక్కువగా మహేష్ బాబు హంగామా చేస్తూ ఉంటారు. ఇప్పుడు కూడా గుంటూరు కారం ట్రైలర్ అనౌన్స్మెంట్ వచ్చినప్పటి నుంచి ఘట్టమనేని అభిమానులు సోషల్ మీడియాలో పిచ్చ యాక్టివ్ గా ఉన్నారు. ఈ ఫ్యాన్స్ గుంటూరు కారం ట్రైలర్ తో ఎలాంటి రికార్డ్స్ క్రియేట్ చేస్తారు అనేది ఇప్పుడు ఇంట్రెస్టింగ్ గా మారింది.
తెలుగు ట్రైలర్ రికార్డ్స్ లో సలార్ 24 గంటల్లో 32.58 మిలియన్ వ్యూస్ రాబట్టి టాప్ ప్లేస్ లో ఉంది. ఇంతకన్నా ముందు తెలుగు ట్రైలర్ రికార్డ్స్ లో సర్కారు వారి పాట 26.77 మిలియన్ వ్యూస్ తో టాప్ ప్లేస్ లో ఉండేది. సర్కారు వారి పాట రికార్డ్స్ ని బ్రేక్ చేసి సలార్ ఫస్ట్ పొజిషన్ కి వచ్చింది. ఇప్పుడు మహేష్ ఫ్యాన్స్ మళ్లీ టాప్ ప్లేస్ ని సొంతం చేసుకోవాలి అని చూస్తున్నారు. గుంటూరు కారం ట్రైలర్ బయటకి రాగానే 24 గంటల్లో 33 మిలియన్ వ్యూస్ రికార్డుని క్రియేట్ చేస్తే ఘట్టమనేని ఫ్యాన్స్ సెన్సేషన్ క్రియేట్ చేసినట్లే. ఈ రికార్డుని మహేష్ ఫ్యాన్స్ క్రియేట్ చేస్తారా లేదా అనేది చూడాలి. ఒకవేళ సలార్ ట్రైలర్ రికార్డ్స్ ని బ్రేక్ చేస్తే మాత్రం రీజనల్ సినిమాకి సోలో కింగ్ మహేష్ బాబు మాత్రమే అనే విషయాన్ని ఫ్యాన్స్ మరోసారి ప్రూవ్ చేసినట్లే.