F3 Moive: ఓటిటీ అభిమానులకు షాక్ ఇచ్చిన ‘ఎఫ్3’ బృందం

విక్టరీ వెంకటేష్, మెగా ప్రిన్స్ వరుణ్ తేజ్ మల్టీస్టారర్ గా అనిల్ రావిపూడి దర్శకత్వంలో తెరకెక్కిన ఫన్ ఫ్రాంఛైజ్ ‘ఎఫ్3’.. ఇటీవలే విడుదలై భారీ విజయాన్ని అందుకున్న సంగతి తెల్సిందే.. దిల్ రాజు నిర్మించిన ఈ చిత్రం తొలి షోతోనే పాజిటివ్‌ టాక్‌ అందుకొని రెండు తెలుగురాష్ట్రాల్లో బ్రేక్ ఈవెన్ దిశగా కొనసాగుతుంది. ఇక ఈ సినిమా ఎప్పుడెప్పుడు ఓటిటిలోకి వస్తుందా అని ఎదురుచూస్తున్న అభిమానులకు ‘ఎఫ్3’ చిత్ర బృందం షాక్ ఇచ్చింది. సాధారణంగా ఏ సినిమా అయినా రిలీజ్ అయిన నాలుగు వారాలకు ఓటిటిలో ప్రత్యక్షమవుతుంది. ఇక పాన్ ఇండియా మూవీలు.. లేక ఎక్కువ వసూళ్లు రాబట్టే మూవీలు మాత్రమే ఓటిటీలోకి రావడానికి కొద్దిగా ఆలస్యమవుతాయి.

ఇక ఈ సినిమా కూడా అదే కోవలోకి చెందుతుందని చిత్ర బృందం క్లారిటీ ఇచ్చింది. ఈ చిత్రం ఓటిటీలో నాలుగు వారాలకు కాకుండా 8 వారాలకు ఓటిటిలోకి అడుగుపెడుతున్నట్లు మూవీ టీమ్ అధికారికంగా ప్రకటించింది. ఇక ఈ విషయాన్ని హీరోలు వెంకీ, వరుణ్, డైరెక్టర్ అనిల్ రావిపూడి ఒక వీడియో ద్వారా తెలిపారు . 8 వారాల తరువాతే ఎఫ్3 ఓటిటీ స్ట్రీమింగ్ కానున్నదని, అప్పటివరకు కూర్చోకుండా థియేటర్ కు వెళ్లి ఫన్ ఫుల్ సినిమాను ఎంజాయ్ చేయాలని తెలిపారు. దీంతో అభిమానులు కొద్దిగా నిరాశపడుతున్నారు.