Extra – Ordinary Man: బ్రష్ వేసుకో.. మైండ్ ను రిప్రెష్ చేసుకో

Extra – Ordinary Man: యంగ్ హీరో నితిన్, శ్రీలీల జంటగా రైట‌ర్ – డైరెక్ట‌ర్ వ‌క్కంతం వంశీ దర్శకత్వంలో తెరకెక్కిన చిత్రం ఎక్స్‌ట్రా ఆర్టిన‌రీ మేన్‌. శ్రేష్ఠ్ మూవీస్‌, ఆదిత్య‌మూవీస్ & ఎంట‌ర్ టైన్‌మెంట్స్, రుచిర ఎంట‌ర్‌టైన్‌మెంట్స్‌ బ్యాన‌ర్స్‌పై సుధాక‌ర్ రెడ్డి, నికితా రెడ్డి ఈ మూవీని నిర్మిస్తున్నారు. ఇప్పటికే ఈ సినిమా నుంచి డేంజర్ పిల్ల.. సాంగ్ ఎంత పెద్ద హిట్ అయ్యిందో అందరికీ తెలిసిందే. ఆ పాటను అర్మాన్ మాలిక్ పాడారు. అలాగే రీసెంట్‌గా విడుదలైన టీజర్.. అందులో యూనిక్‌గా ఉన్న నితిన్ క్యారక్టరైజేషన్, మూవీ కాన్సెప్ట్ అందరినీ మెప్పించింది. నితిన్ ఈ చిత్రంలో జూనియర్ ఆర్టిస్ట్ క్యారెక్టర్‌లో కనిపించనున్నాడు.

ఇక తాజాగా ఈ సినిమా నుంచి సెకండ్ లిరికల్ సాంగ్ ను మేకర్స్ రిలీజ్ చేశారు. బ్రష్ వేసుకో.. అంటూ సాగే ఈ సాంగ్ ఆద్యంతం ఆకట్టుకుంటుంది. పాటను వింటుంటే చాలా హామింగ్‌గా అనిపిస్తుంది. ఫుట్ ట్యాపింగ్ మ్యూజిక్‌తో హ్యారిస్ జయరాజ్ అందించిన ఈ పాటను రామజోగయ్య శాస్త్రి లిరిక్స్ అందించగా.. సంజిత్ హెగ్డే మెస్మరైజ్ చేసే వాయిస్ తో ఆలపించారు. ఇక నితిన్ హుక్ స్టెప్స్, స్టైలిష్ లుక్ అభిమానులను ఫిదా చేస్తున్నాయి. కచ్చితంగా చార్ట్ బస్టర్‌లో ఈ పాట సెన్సేషన్ క్రియేట్ చేస్తుందనిపించేలా మ్యూజిక్ అందరినీ ఆకట్టుకుంటోంది. ఇక ఎక్స్‌ట్రా ఆర్డినరీ మ్యాన్ చిత్రాన్ని ప్రపంచ వ్యాప్తంగా డిసెంబర్ 8న వరల్డ్ వైడ్‌గా గ్రాండ్ రిలీజ్ చేస్తున్నారు. మరి ఈ సినిమాతో నితిన్ ఎలాంటి విజయాన్ని అందుకుంటాడో చూడాలి.