‘మంచి రోజులు వచ్చాయి’ అంటున్న మారుతి!

దర్శకుడు మారుతి ‘పక్కా కమర్షియల్’ తో రాబోతున్న సంగతి తెలిసిందే. గోపీచంద్ లాయర్ పాత్రలో కనిపిస్తుండగా.. ఆయన సరసన రాశి ఖన్నా నటిస్తోంది. కరోనా కారణంగా షూటింగ్ లేకపోవడంతో వెబ్ సిరీస్ పై ఫోకస్ చేశాడు ఈ దర్శకుడు. రీసెంట్ గా ‘ఏక్ మినీ కథ’ సినిమాతో ప్రేక్షకుల ముందుకొచ్చిన సంతోష్ శోభన్ ను హీరోగా ఓ చిన్న సినిమా చేస్తున్నాడు మారుతి. మెహ్రీన్ కథానాయికగా నటిస్తోంది. దర్శకుడిగా మారుతికి ఇదే తొలి ఓటీటీ సినిమా. అయితే ‘ఆహా’ నుంచి వస్తున్న ఈ వెబ్ సిరీస్ కి ‘మంచి రోజులు వచ్చాయి’ అనే టైటిల్ ను ఫిక్స్ చేసినట్లుగా తెలుస్తోంది. ఈ సినిమా కోసం కేవలం 30 రోజుల్లోనే షూటింగ్ పూర్తిచేసేలా ప్లాన్ చేశాడట మారుతి.