Ashish Reddy: ఘనంగా యంగ్ హీరో పెళ్లి.. హైలైట్ గా దిల్ రాజు డ్యాన్స్

Ashish Reddy: యంగ్ హీరో ఆశిష్ రెడ్డి ఎట్టకేలకు ఒక ఇంటివాడయ్యాడు. అద్వైత రెడ్డితో అతడి వివాహం జైపూర్ ప్యాలెస్ లో ఘనంగా జరిగింది. బంధువులు, సన్నిహితుల సమక్షంలో ఆశిష్, అద్వైత రెడ్డి మెడలో మూడు ముళ్లు వేశాడు. ఇక టాలీవుడ్ లో సగానికి పైగా ప్రముఖులు ఈ పెళ్ళికి హాజరయ్యారు. ఈ వివాహానికి మెగాస్టార్‌ చిరంజీవి కుమార్తెలు శ్రీజ, సుస్మిత కూడా హాజరయ్యారు. ఇక ఈ పెళ్ళిలో హైలైట్ అంటే దిల్ రాజు అనే చెప్పాలి. ప్రముఖ నిర్మాత దిల్ రాజు తమ్ముడు శిరీష్ కొడుకే ఆశిష్ అన్న విషయం తెల్సిందే. తమ్ముడు కొడుకు పెళ్లి అయినా కూడా దిల్ రాజు తన కొడుకగానే చూసుకున్నాడు. ఇక పెళ్ళిలో కూడా శిరీష్ కన్నా ఎక్కువగా దిల్ రాజు హంగామా చేయడం ఆకట్టుకుంటుంది. ఆశిష్ పెళ్ళిలో దిల్ రాజు డప్పు కొడుతూ.. డ్యాన్స్ వేస్తూ కనిపించాడు. ప్రస్తుతం ఇందుకు సంబంధించిన ఫోటోలు, వీడియోలు నెట్టింట వైరల్ గా మారాయి.

ఇక దిల్ రాజు కు ఒక కుమార్తె హర్షిత రెడ్డి అని అందరికీ తెల్సిందే. ఆమె మొదటి భార్య కూతురు.. ఇప్పుడు రెండో భార్యకు ఒక కుమారుడు. నటన పరంగా శిరీష్ కొడుకు ఆశిష్ నే దిల్ రాజు తన వారసుడిగా ఇండస్ట్రీకి పరిచయం చేశాడు. రౌడీ బాయ్స్ సినిమాతో ఆశిష్ టాలీవుడ్ కు పరిచయమయ్యాడు. ఈ సినిమా అంతగా హిట్ అందుకోలేకపోయిన.. ఒక మోస్తరుగా ప్రేక్షకులను మెప్పించింది. ఈ సినిమా తరువాత ఆశిష్ సెల్ఫిష్ అనే సినిమాను అనౌన్స్ చేశాడు. శరవేగంగా షూటింగ్ జరుపుకుంటున్న ఈ చిత్రం.. ఈ మధ్యనే ఆగిపోయిందని వార్తలు వినిపిస్తున్నాయి. ఇప్పటివరకు అయితే అధికారికంగా అనౌన్స్ చేయలేదు. ఇందులో నిజమెంత అనేది తెలియాల్సి ఉంది.