Dhanush : ‘పొగరు’ అన్న ట్రోల్స్కు ధనుష్ కౌంటర్.. అసలు నిజం చెప్పి షాకిచ్చిన స్టార్ హీరో!
- Follow Us :
-
-
Add as a preferred
source on google
కోలీవుడ్ స్టార్ హీరో ధనుష్ గురించి సోషల్ మీడియాలో ఏ చిన్న వీడియో కనిపించినా క్షణాల్లో వైరల్ అవుతుంటుంది. అయితే, సరిగ్గా ఏడాది క్రితం ధనుష్కు సంబంధించిన ఒక వీడియో నెట్టింట పెను దుమారమే రేపింది. ఆ వీడియో చూసిన చాలామంది ధనుష్కు విపరీతమైన తలపొగరు, అహంకారం అంటూ తీవ్రస్థాయిలో ట్రోల్ చేశారు. తాజాగా తన కొత్త సినిమా ‘ఓం’ ప్రమోషన్ వేదికపై ఆ వివాదానికి ధనుష్ పూర్తిస్థాయిలో చెక్ పెట్టారు. గతేడాది ఆనంద్ ఎల్ రాయ్ దర్శకత్వంలో ధనుష్, కృతి సనన్ జంటగా నటించిన బాలీవుడ్ చిత్రం ‘తేరే ఇష్క్ మే’ బాక్సాఫీస్ వద్ద భారీ విజయాన్ని అందుకుంది. ఆ సినిమా ప్రమోషన్ల కోసం ధనుష్ ముంబై వెళ్లినప్పుడు ఒక ఆసక్తికర ఘటన చోటుచేసుకుంది. ధనుష్ నడుచుకుంటూ వెళ్తుండగా, అతని ప్యాంటు వెనుక భాగం సరిగ్గా లేకపోవడంతో స్టైలిస్ట్ కావ్య శ్రీరామ్ పరిగెత్తుకుంటూ వచ్చి బహిరంగంగానే దాన్ని సరిచేశారు. అయితే, ధనుష్ ఆమె వైపు కనీసం కన్నెత్తి కూడా చూడకుండా తన దారిన తాను వెళ్లిపోయారు. ఈ వీడియో బయటకు రావడంతో నెటిజన్లు ధనుష్పై విరుచుకుపడ్డారు. ఒక అమ్మాయి అంత కష్టపడి ప్యాంటు సరిచేస్తుంటే కనీసం థ్యాంక్స్ చెప్పకపోగా, అసలు ఆమెను పట్టించుకోకపోవడం ఏంటని, స్టార్ డమ్ తలకెక్కిందని రకరకాలుగా విమర్శించారు.
రాజ్కుమార్ పెరియసామి దర్శకత్వంలో ధనుష్ నటించిన తాజా చిత్రం ‘ఓం’ మరికొద్ది రోజుల్లో (నవంబర్ 20న) ప్రేక్షకుల ముందుకు రానుంది. ఈ సందర్భంగా నిర్వహించిన ప్రీ-రిలీజ్ వేడుకకు స్టైలిస్ట్ కావ్య శ్రీరామ్ కూడా హాజరయ్యారు. ఈ వేదికపై ధనుష్ ఆ పాత వీడియో వెనుక ఉన్న అసలు నిజాన్ని బయటపెట్టారు. ధనుష్ మాట్లాడుతూ.. “కావ్య శ్రీరామ్ నా స్టైలిస్ట్. తన పని పట్ల ఆమెకు ఉండే అంకితభావం అద్భుతం. గతేడాది ‘తేరే ఇష్క్ మే’ ప్రమోషన్స్ సమయంలో నా ప్యాంటు వెనుక భాగం కొంచెం ఇబ్బందిగా ఉండటాన్ని గమనించిన కావ్య, చుట్టూ ఉన్న జనాన్ని కూడా పట్టించుకోకుండా వెంటనే వచ్చి సరిచేసింది. కానీ ఆ సమయంలో బ్యాక్గ్రౌండ్లో వస్తున్న పాటకు తగ్గట్టుగా నేను నడుస్తుండటంతో, వెనుక ఆమె ఏం చేస్తుందో నాకు అసలు తెలియలేదు. కానీ ఆ వీడియో చూసి నాకు చాలా అహంకారం అంటూ అందరూ నన్ను తిట్టారు. ఆమె కష్టానికి నా ప్రత్యేక ధన్యవాదాలు” అంటూ క్లారిటీ ఇచ్చారు.
Also Read
- Sita in Ramayana: సీత యోధురాలే.. ఆ సాక్ష్యంతో విమర్శకుల నోళ్లు మూయించిన డైరెక్టర్ నితీష్ తివారి..!
- Rashmika-Mysaa: కల్యాణి ప్రియదర్శన్ రికార్డుపై రష్మిక కన్ను.. ‘మైసా’తో చరిత్ర సృష్టిస్తుందా?
- Death Threat: బిగ్ బీ కుటుంబానికి మరో బిగ్ వార్నింగ్.. అమితాబ్, అభిషేక్లను టార్గెట్ చేశామంటూ గ్యాంగ్స్టర్ సంచలనం.!
- Varanasi Update: ఇదొక అప్డేటే.. అసలైన బ్లాస్ట్ కోసం వేచి చూడాల్సిందే!
ఇదే వేదికపై మలయాళ మెగాస్టార్ మమ్ముట్టి గురించి ధనుష్ చేసిన వ్యాఖ్యలు నవ్వులు పూయించాయి. 43 ఏళ్ల ధనుష్ సాల్ట్ అండ్ పెప్పర్ లుక్లో తెల్ల గడ్డంతో కనిపిస్తుండగా, 75 ఏళ్ల మమ్ముట్టి మాత్రం ఒక్క తెల్ల వెంట్రుక కూడా లేకుండా ఎంతో యంగ్గా కనిపిస్తున్నారు. దీంతో మమ్ముట్టి పక్కన ధనుష్ అన్నయ్యలా కనిపిస్తున్నాడంటూ ఫ్యాన్స్ కామెంట్స్ చేస్తున్నారు. దీనిపై స్పందించిన ధనుష్.. “మమ్ముట్టి గారూ, నాదొక చిన్న విన్నపం. వచ్చేసారి ఈవెంట్కు వచ్చేటప్పుడు మీ గడ్డంలో కనీసం కొన్ని తెల్ల వెంట్రుకలైనా ఉండేలా చూసుకోండి. లేదంటే మీ పక్కన నేను మరీ పెద్దవాడిలా కనిపిస్తున్నాను” అని సరదాగా అనడంతో మమ్ముట్టితో పాటు ఆడిటోరియం మొత్తం నవ్వులతో నిండిపోయింది.
తాజావార్తలు
-
Dhanush : ‘పొగరు’ అన్న ట్రోల్స్కు ధనుష్ కౌంటర్.. అసలు నిజం చెప్పి షాకిచ్చిన స్టార్ హీరో!
-
IPL Retentions 2027: నరైన్ కోసం టాప్ ట్రేడ్.. ఆర్ఆర్ ఆఫర్ను తిరస్కరించిన కేకేఆర్!
-
Missile Attack on LPG Tanker: హార్మూజ్ జలసంధిలో గ్యాస్ ట్యాంకర్పై క్షిపణి దాడి.. నౌకలో 24 మంది భారతీయులు..!
-
క్యాబ్ డ్రైవర్ ముసుగులో మిక్సింగ్ లిక్కర్ దందా.. ఇద్దరి అరెస్ట్.!
-
Mahindra XEV 9S: మహీంద్రా XEV 9S కు భారత్ NCAPలో 5 స్టార్ సేఫ్టీ రేటింగ్.. 7 సీటర్ SUVలో సరికొత్త రికార్డు!
ట్రెండింగ్
-
IPL Retentions 2027: ఎంఎస్ ధోనీ ఎందుకు, వదిలేయండి.. సీఎస్కే మాజీ స్టార్ సంచలన కామెంట్స్!
-
Crispy Murmura Mixture: బయట కొనే చిరుతిళ్లకు చెక్.. ఇంట్లోనే కమ్మని కరకరలాడే ‘మరమరాల మిక్చర్’ సులువుగా చేసుకోండి ఇలా..!
-
Amla Pulihora Recipe: పుల్లపుల్లగా, కమ్మకమ్మగా నోరూరించే ‘ఉసిరికాయ పులిహోర’.. కేవలం నిమిషాల్లోనే రెడీ చేసుకోండి ఇలా..!
-
ఏడు అంగుళాల భారీ డిస్ప్లే, 13,300mAh బ్యాటరీతో HONOR కొత్త స్మార్ట్ఫోన్..!
-
IPL 2027 రిటెన్షన్లకు నేడే చివరి గడువు.. ఇప్పటి వరకు జరిగిన ట్రేడ్స్ లిస్ట్ ఇదిగో..