Deshamuduru: అప్పుడు జస్ట్ తెలుగు స్టార్ హీరో… ఇప్పుడు పాన్ ఇండియా సూపర్ స్టార్

అల్లు అర్జున్ పుట్టిన రోజు సంధర్భంగా ఫాన్స్ ‘దేశముదురు’ సినిమా 4K రీరిలీజ్ కి రెడీ అయ్యారు. ఇప్పటికే బుకింగ్స్ కూడా ఓపెన్ అయిన దేశముదురు సినిమాని మరోసారి థియేటర్స్ లో చూసి అల్లు అర్జున్ బర్త్ డేని గ్రాండ్ గా సెలబ్రేట్ చేసుకోవడానికి ఫాన్స్ రెడీ అవుతున్నారు. బన్నీ ఫిల్మోగ్రఫీ మొత్తం ఒకవైపు దేశముదురు సినిమా మాత్రమే ఒక వైపు అనే రేంజులో ఈ సినిమాని డైరెక్ట్ చేశాడు పూరి జగన్నాధ్. హీరో క్యారెక్టర్ పైనే సినిమా చేసి హిట్ కొట్టగల పూరి జగన్నాధ్, అల్లు అర్జున్ ని పర్ఫెక్ట్ మాస్ హీరోగా ప్రెజెంట్ చేశాడు. గంగోత్రి, ఆర్య, హ్యాపీ, బన్నీ సినిమాలు చేస్తున్న అల్లు అర్జున్ బాడీ లాంగ్వేజ్ ని పూర్తిగా మార్చేసి, ఒక కొత్త డైలాగ్ డెలివరీని అల్లు అర్జున్ కి ఇచ్చి దేశముదురు సినిమాతో సూపర్ హిట్ కొట్టాడు పూరి. ఈ మూవీ కోసం అల్లు అర్జున్ పడిన కష్టం ఆన్ స్క్రీన్ సిక్స్ ప్యాక్ రూపంలో కనిపిస్తింది. తెలుగు హీరోలు ఫిట్ గా ఉండరు అనే మాటని చెరిపేస్తూ బాలీవుడ్ హీరోలా అల్లు అర్జున్ స్క్రీన్ పైన కనిపిస్తే మెగా ఫాన్స్ మాత్రామే కాకుండా ఇతర హీరోల ఫాన్స్ కూడా దేశముదురు సినిమాని రిపీట్ మోడ్ లో చూశారు.

ఈ మూవీలో బన్నీ చెప్పిన డైలాగ్స్ ని చాలా మంది యూత్ బయట కూడా తెగ వాడేసారు. అయితే అప్పుడు అల్లు అర్జున్ కేవలం ఒక మెగా హీరో మాత్రమే, అప్ కమింగ్ స్టార్ హీరో మాత్రమే ఇప్పుడు అలా కాదు అల్లు అర్జున్ అనే పేరే ఒక బ్రాండ్ అయ్యింది. మెగా హీరో, తెలుగు స్టార్ హీరో అనే మాటలని దాటేసి పాన్ ఇండియా ఐకాన్ స్టార్ అయ్యాడు అల్లు అర్జున్. స్టైల్ కి ఐకాన్ గా ఉండే అల్లు అర్జున్ పుష్ప సినిమాతో పాన్ ఇండియా హీరో అయ్యాడు, ఏప్రిల్ 8న పుష్ప 2 అప్డేట్ గ్యారెంటీగా బయటకి వస్తుంది. సాలిడ్ హైప్ ఉన్న పుష్ప 2 నుంచి అప్డేట్ బయటకి వస్తుంది అంటే సోషల్ మీడియాలో సునామీ వస్తుంది. ఇంటర్నెట్ లోనే కాదు గ్రౌండ్ లెవల్లో కూడా అల్లు అర్జున్ ఫాన్స్ సెలబ్రేషన్స్ అదిరిపోయే రేంజులో చేశారు అని ప్రతి ఒక్కరూ మాట్లాడుకోవాలి అంటే దేశముదురు సినిమా రీరిలీజ్ కలెక్షన్స్ అదిరిపోవాలి. మరి అల్లు అర్జున్ ఫాన్స్ దేశముదురు సినిమాకి ఎలాంటి కలెక్షన్స్ ఇస్తారు? రీరిలీజ్ ట్రెండ్ లో రికార్డ్ సెట్ చేస్తారా లేదా అనేది చూడాలి.