Daggubati Abhiram: దగ్గుబాటి ఇంట పెళ్లి సందడి మొదలు కానుందా.. ? అంటే నిజమే అంటున్నాయి ఇండస్ట్రీ వర్గాలు. వెంకటేష్ అన్న సురేష్ దగ్గుబాటి రెండో కుమారుడు దగ్గుబాటి అభిరామ్ కు పెళ్లి చేయాలనీ పెద్దలు నిర్ణయించినట్లు వార్తలు వినిపిస్తున్నాయి. రానా తమ్ముడు అభిరామ్ గురించి ప్రత్యేకంగా చెప్పాల్సిన అవసరం లేదు. గతంలో శ్రీరెడ్డి అతని పేరును ఎంతలా చెడగొట్టిందో అందరికీ తెల్సిందే. ఇక ఆ ఇన్సిడెంట్ అభిరామ్ కెరీర్ ను చాలా దెబ్బతీసింది. ఇవేమి జరగకుండా ఉంటే.. అభిరామ్ తెలుగుతెరకు ఎప్పుడో పరిచయమయ్యేవాడు. కానీ, అనుకోని సంఘటనలు జరగడంతో ఈ ఏడాది అహింస సినిమాతో టాలీవుడ్ ఎంట్రీ ఇచ్చాడు. ఈ సినిమా అతనికి ఆశించిన ఫలితాన్ని మాత్రం అందివ్వలేకపోయింది. ఈ నేపథ్యంలోనే దగ్గుబాటి కుటుంబం అతడికి పెళ్లి చేయాలనే ఆలోచనలో ఉందట. ఇప్పటికే అమ్మాయిని కూడా వెతికినట్లు తెలుస్తోంది.
Jailer: వర్మ ప్లే లిస్ట్ లో డ్యాన్స్ చేసిన వ్యక్తి చనిపోయాడని మీకు తెలుసా.. ?
ఇక రానాలా కాకుండా ఈసారి బంధువుల అమ్మాయినే కోడలిగా చేసుకోవాలని సురేష్ ముచ్చటపడుతున్నాడట. కారంచేడుకు చెందిన అభిరామ్ చినతాత కూతురు కూతురునే పెళ్లాడనున్నాడని టాక్. ఇప్పటికే ఇరు కుటుంబాల మధ్య పెళ్లి చర్చలు అన్ని పూర్తయ్యాయట. త్వరలోనే నిశ్చితార్థం.. ఆపై పెళ్లి జరగనున్నాయని సమాచారం. ఇక దీంతో దగ్గుబాటి అభిమానులు అభిరామ్ కు శుభాకాంక్షలు తెలుపుతున్నారు. పెళ్లి తరువాత నుంచి అయినా అభిరామ్ లైఫ్ ఒక గాడిన పడుతుందని కుటుంబం మొత్తం ఆశిస్తున్నారు. ఇక రానా ప్రేమ వివాహం చేసుకోగా.. అభిరామ్ మాత్రం పెద్దలు కుదిర్చిన వివాహం చేసుకుంటున్నాడు. త్వరలోనే అధికారికంగా దగ్గుబాటి కుటుంబం అభిరామ్ పెళ్లి విషయం ప్రకటించనుంది. మరి దగ్గుబాటి కుటుంబం అనుకున్నట్లుగానే అభిరామ్ లైఫ్ పెళ్లి తరువాత మారుతుందేమో చూడాలి.