Priyanka Chopra: ప్రియాంక చోప్రా బాలీవుడ్‌కు గుడ్‌బై చెప్పడానికి వాళ్లే కారణమట! వీడియో వైరల్..

Priyanka Chopra: గ్లోబల్ స్టార్‌గా గుర్తింపు తెచ్చుకున్న బాలీవుడ్ నటి ప్రియాంక చోప్రా తన కెరీర్‌లో ఎదురైన కొన్ని చేదు అనుభవాలను తాజాగా పంచుకున్నారు. కెరీర్ పీక్ స్టేజ్‌లో ఉన్న సమయంలో ఆమె హిందీ చిత్ర పరిశ్రమకు దూరమై హాలీవుడ్ వైపు వెళ్లడం అప్పట్లో పెద్ద చర్చగా మారింది. అయితే బాలీవుడ్‌ను ఎందుకు వదిలారనే విషయంపై ప్రియాంక తాజాగా ఓ ఇంటర్వ్యూలో ఆసక్తికర వ్యాఖ్యలు చేశారు. తనకు నచ్చని వ్యక్తులకు అనుగుణంగా మారకపోవడం, వారు చెప్పిన విధంగా నడుచుకోకపోవడం వల్ల కొన్ని సినిమా అవకాశాలు తన నుంచి దూరమయ్యాయని ప్రియాంక వెల్లడించారు. ఇతరులు రాజీ పడిన విధంగా తాను కూడా రాజీపడాలని అనుకోలేదని, తన ఆత్మగౌరవానికి ప్రాధాన్యం ఇచ్చానని చెప్పారు.

కొంతమంది అగ్ర హీరోలు తనను ఉద్దేశపూర్వకంగా కొన్ని సినిమాల నుంచి తప్పించారని ప్రియాంక ఆరోపించారు. 2007లో ‘సలామ్-ఎ-ఇష్క్’ సినిమా షూటింగ్ సమయంలో జరిగిన ఓ సంఘటనను ఆమె గుర్తు చేసుకున్నారు. ఆ టైంలో తాను మరో సినిమాలో నటించేందుకు సిద్ధమవుతున్న అప్పుడు ఆ సినిమా హీరో తనను కలిసేందుకు షూటింగ్ సెట్‌కు వచ్చారు. తనకు మద్దతుగా వచ్చారని భావించినప్పటికీ, ఆ హీరో చెప్పిన మాటలు ఆశ్చర్యానికి గురిచేశాయని ప్రియాంక చెప్పారు. “ఈ పాత్ర వాస్తవానికి మరో హీరోయిన్ కోసం అనుకున్నారు. పొరపాటున ఈ సినిమా మీకు వచ్చింది. భవిష్యత్తులో మనం మరో సినిమా చేద్దాం” అని చెప్పినట్లు ఆమె వెల్లడించారు. ఇలాంటి సంఘటనలు ఒక్కసారి మాత్రమే కాకుండా పలుమార్లు ఎదురయ్యాయని, ఆ సమయంలో తన కెరీర్‌పై మరింత దృష్టి పెట్టాలని నిర్ణయించుకున్నానని ప్రియాంక తెలిపారు. తన నటన, కష్టమే తనను ముందుకు తీసుకెళ్లాయని, మరిన్ని అవకాశాలను అందించాయని పేర్కొన్నారు. ప్రస్తుతం ఆమె చేసిన ఈ కామెంట్స్ సోషల్ మీడియాలో వైరల్ అవుతున్నాయి.

‘నా సినిమాలు లాగేసుకున్నారు’

కొంతమందిని మెప్పించలేదనే కారణంతో తన సినిమాలను లాగేసుకున్నారని గ్లోబల్ బ్యూటీ ప్రియాంకా చోప్రా ఓ పాడ్‌కాస్ట్‌లో సంచనల కామెంట్స్ చేశారు. pic.twitter.com/BojmqnBQWl

— ChotaNews App (@ChotaNewsApp) July 22, 2026