Vayu Tej: మెగా బ్రదర్ కొణిదెల నాగబాబు తన మనవడి ఫోటోను తొలిసారి సోషల్ మీడియా వేదికగా అభిమానులతో పంచుకున్నారు. తన మనవడు, హీరో వరుణ్ తేజ్-లావణ్య త్రిపాఠి కుమారుడు వాయువ్ తేజ్ కొణిదెలను అభిమానులకు పరిచయం చేస్తూ నాగబాబు సోషల్ మీడియాలో ఓ ప్రత్యేకమైన ఫొటోను షేర్ చేశారు. ప్రస్తుతం ఈ ఫొటో ప్రస్తుతం సోషల్ మీడియాలో వైరల్గా మారింది. నాగబాబు షేర్ చేసిన ఫొటోలో వాయువ్ తేజ్.. మెగా బ్రదర్స్ చిరంజీవి, నాగబాబు, పవన్ కల్యాణ్ కలిసి ఉన్న ఫొటోను ఆసక్తిగా చూస్తున్నట్లు కనిపిస్తున్నాడు. చిన్నారి ఫొటోతో పాటు నాగబాబు పెట్టిన క్యాప్షన్ కూడా అభిమానులను ఆకట్టుకుంటోంది. ‘‘మా బుజ్జిబాబు చరిత్రను తదేకంగా చూస్తున్నాడు. ఆ కళ్లలో చెప్పని కథలు ప్రతిబింబిస్తున్నాయి. తన అద్భుతమైన పరిశీలనతో మెగా వారసత్వం నిరంతరం కొనసాగుతూనే ఉంటుంది’’ అంటూ ఆయన రాసుకొచ్చారు.
వాయువ్ తేజ్ ఫొటో తొలిసారి బయటకు రావడంతో మెగా అభిమానులు ఈ పిక్ను సోషల్ మీడియాలో విపరీతంగా షేర్ చేస్తున్నారు. చిన్నారి లుక్పై అభిమానులు ప్రేమను కురిపిస్తున్నారు. ఇంతకుముందు వాయువ్కు సంబంధించిన ఫొటోలను కుటుంబ సభ్యులు పెద్దగా బయటకు తీసుకురాలేదు. దీంతో నాగబాబు షేర్ చేసిన ఈ ఫొటో ప్రత్యేకంగా నిలిచింది. ఇక వరుణ్ తేజ్, లావణ్య త్రిపాఠి ప్రేమ వివాహం చేసుకున్న విషయం తెలిసిందే. 2023లో వీరి వివాహం ఇటలీలో ఘనంగా జరిగింది. అనంతరం 2025 సెప్టెంబర్ 10న ఈ దంపతులకు కుమారుడు జన్మించాడు. అతడికి వాయువ్ తేజ్ కొణిదెల అనే పేరు పెట్టారు. ఇటీవల ‘కొరియన్ కనకరాజు’ సినిమా సక్సెస్ మీట్లో పాల్గొన్న చిరంజీవి కూడా వాయువ్ గురించి ప్రత్యేకంగా ప్రస్తావించారు. సినిమా విజయాన్ని వరుణ్ ఖాతాలో వేయకుండా వాయువ్ తేజ్ ఖాతాలో వేయాలని సరదాగా వ్యాఖ్యానించారు. ‘‘తను మా లక్కీ చార్మ్’’ అంటూ చిరంజీవి చేసిన కామెంట్స్ కూడా వైరల్ అయ్యాయి. ఇప్పుడు నాగబాబు షేర్ చేసిన వాయువ్ ఫొటోతో మెగా అభిమానుల్లో మరింత సందడి నెలకొంది.