మెగా ప్రిన్స్ వరుణ్ తేజ్, దర్శకుడు మేర్లపాక గాంధీ కాంబినేషన్లో వస్తున్న మోస్ట్ అవైటెడ్ హారర్ కామెడీ ఎంటర్టైనర్ ‘కొరియన్ కనకరాజు’. యూవీ క్రియేషన్స్ మరియు ఫస్ట్ ఫ్రేమ్ ఎంటర్టైన్మెంట్ సంస్థలు సంయుక్తంగా నిర్మిస్తున్న ఈ చిత్రంపై ట్రేడ్ వర్గాల్లోనూ, ప్రేక్షకుల్లోనూ ఇప్పటికే భారీ అంచనాలు నెలకొన్నాయి. ఈ నేపథ్యంలో ఈ చిత్ర నైజాం, వైజాగ్ ఏరియా డిస్ట్రిబ్యూషన్ హక్కులకు సంబంధించి ఒక భారీ అప్డేట్ బయటకు వచ్చింది.
ఈ సినిమా నైజాం మరియు వైజాగ్ ప్రాంతాల థియేట్రికల్ డిస్ట్రిబ్యూషన్ రైట్స్ను టాలీవుడ్ ప్రముఖ పంపిణీ సంస్థ శ్రీ వెంకటేశ్వర క్రియేషన్స్ సొంతం చేసుకుంది. ఈ విషయాన్ని మేకర్స్ అధికారిక పోస్టర్ ద్వారా వెల్లడించారు. బిజినెస్ వర్గాల్లో మంచి క్రేజ్ ఉండటంతోనే శ్రీ వెంకటేశ్వర క్రియేషన్స్ ఈ హక్కులను దక్కించుకున్నట్లు తెలుస్తోంది. ఇప్పటికే విడుదలైన టైటిల్ గ్లింప్స్, రెండు చార్ట్బస్టర్ పాటలు మరియు టీజర్కు ప్రేక్షకుల నుంచి అద్భుతమైన స్పందన లభించింది. విలక్షణమైన కథాంశంతో పాటు మేర్లపాక గాంధీ మార్క్ వినోదం ఈ సినిమాలో పుష్కలంగా ఉండబోతోందని ప్రమోషన్లు స్పష్టం చేస్తున్నాయి.