Toxic: కియారాని వెనకేసుకొస్తున్న బ్రిటిష్ నటుడు

టాక్సిక్ నుంచి ఏది బయటికొచ్చినా, డైరెక్టర్ గీతూ మోహన్ దాస్ పై విమర్శలు వెల్లువెత్తాయి. ఏ టీజర్ రిలీజ్ అయినా ఇంత వైలెన్సా, ఇవేం ఇంటిమసి సీన్స్ అంటూ కామెంట్స్ చేశారు. ఫస్ట్ సింగిల్ తబాహి రిలీజ్ తర్వాత, గీతూ మోహన్ దాస్ కు పోటీగా కియారాను ట్రోల్ చేయడం స్టార్ట్ చేశారు. తబాహి సాంగ్ కొంతమందికి నచ్చినా, రొమాన్స్ హద్దులు దాటిందంటూ చాలా మంది విమర్శించారు. పెళ్లికి ముందు కియారా గ్లామరస్ గా కనిపించినా ఇంతలా రెచ్చిపోలేదని, ఎందుకు ఇలాంటి పాటలో నటించిందని కామెంట్స్ వినిపించాయి.

దీనిపై కియారా గానీ, ఇండియన్ నటీనటులు కానీ మాట్లాడకపోయినా, టాక్సిక్ లో నటిస్తున్న బ్రిటిష్ యాక్టర్ బెనెడిక్ట్ ట్రోలర్స్ పై ఆగ్రహం వ్యక్తం చేశాడు. కియారాను విమర్శించడం బెనెడిక్ట్ కు నచ్చలేదు. ఈ హాట్ టాపిక్ పై మాట్లాడుతూ.. యష్ అద్భుతంగా కనిపించాడని నెటిజన్లు ప్రశంసలు కురిపిస్తున్నారు, కానీ కియారా విషయానికి వస్తే ఆమెను ట్రోల్ చేస్తున్నారని ఆగ్రహం వ్యక్తం చేశాడు. పెళ్లి తర్వాత ఇలాంటి సీన్స్ లో నటించడం అవసరమా అని మాట్లాడటం కరెక్ట్ కాదు, యష్ కు కూడా పెళ్లయి ఇద్దరు పిల్లలు ఉన్నారు, కేవలం హీరోయిన్ నే ఎందుకు ట్రోలింగ్ చేస్తున్నారు? వాస్తవాన్ని గ్రహించమని కోరాడు. కథకు తగ్గట్టు పాత్రలు పండించడమే తమ పని అని అన్నాడు బెనెడిక్ట్.