ఆంధ్రాలో థియేటర్స్ రీఓపెన్… రిలీజ్ కు సిద్ధంగా సినిమాలు

ఎట్టకేలకు రాష్ట్రంలో థియేటర్ల రీఓపెన్ పై నెలకొన్న సస్పెన్స్‌ను ఆంధ్రప్రదేశ్ ప్రభుత్వం ముగించింది. కరోనా మహమ్మారి కారణంగా సినిమా హాళ్లు మూసివేసిన విషయం అందరికీ తెలిసిందే. దాదాపు నాలుగు నెలల విరామం తరువాత 100% సీటింగ్ సామర్థ్యంతో తెలంగాణలో థియేటర్లు తిరిగి ఓపెన్ చేయడానికి అనుమతులు లభించాయి. కానీ ఆంధ్రప్రదేశ్ లో మాత్రం గతకొంతకాలంగా థియేటర్లను తిరిగి తెరవడంపై సస్పెన్స్ నడుస్తోంది.

Read Also : బిగ్ ఓటిటి రిలీజ్ : పృథ్వీరాజ్ సుకుమారన్ “కురుతి” రెడీ

ఇప్పుడు జగన్ ప్రభుత్వం జూలై 30 నుండి థియేటర్లను తిరిగి తెరవడానికి అనుమతి ఇచ్చింది. ఇది నిజంగా సినిమా లవర్స్ కు సంతోషకరమైన వార్త. ఏదేమైనా తెలంగాణ రాష్ట్రానికి భిన్నంగా ఏపీ ప్రభుత్వం 50% ఆక్యుపెన్సీని మాత్రమే అనుమతించింది. అంతేకాకుండా కోవిడ్ -19 నిబంధనలకు కట్టుబడి ఉండాలని థియేటర్ మేనేజ్‌మెంట్లను ఆదేశించింది. ఇక జూలై 30న రిలీజ్ కానున్న సత్యదేవ్ “తిమ్మరుసు”, తేజ సజ్జ నటించిన ‘ఇష్క్’ చిత్రాలు కూడా ఏపిలోనూ విడుదల కానున్నాయి.