The Paradise : నష్టాల దిశగా ప్యారడైజ్.. సండే రోజు బిగ్ డ్రాప్

న్యాచురల్ స్టార్ నాని కథానాయకుడిగా నటించిన భారీ చిత్రం ‘ది ప్యారడైజ్’. శ్రీకాంత్ ఓదెల డైరెక్షన్ లో తెరకెక్కిన ఈ సినిమాను సుధాకర్ చెరుకూరి భారీ బడ్జెట్ పై నిర్మించారు. ఈ నెల 24న ప్రీమియర్స్ తో రిలీజ్ అయిన ఈ సినిమా తొలిఆట నుండే ప్లాప్ టాక్ తెచ్చుకుంది. కాని తొలిరోజు భారీ వసూళ్లు రాబట్టింది. రెండవ రోజునుండి డౌన్ అయిన ఈ సినిమా ఓ మోస్తరు వసూళ్లు మాత్రమే రాబడుతుంది.

 అయితే ఓవర్సీస్ లో కూడా ఈ సినిమా ప్లాప్ టాక్ తెచ్చుకుంది. ప్రీమియర్స్ + ఓపెనింగ్ డే మంచి వసూళ్లు రాబట్టిన ప్యారడైజ్ డే 2 నుండి ఒక్కసారిగా డ్రాప్ అయింది. ఇక ఉత్తర అమెరికా బాక్సాఫీస్ వద్ద మొదటి ఆదివారం లో అక్యుపెన్సీతో నడుస్తుంది. నార్త్ అమెరికా వ్యాప్తంగా ఉన్న 263 లోకేషన్ల నుండి డే 4 ఆదివారం ఉదయం 10:00 గంటలకు 32 వేల డాలర్లు మాత్రమే వసూలు చేసినట్లు ట్రేడ్ వర్గాల సమాచారం. ప్రారంభ రోజుల్లో నమోదైన జోరుతో పోలిస్తే ఈ మైక్రో నంబర్లు కలెక్షన్లలో వచ్చిన భారీ పతనాన్ని స్పష్టంగా చూపిస్తున్నాయి. వీకెండ్ ప్రారంభంలో కలెక్షన్ల పరంగా జోరు చూపించినప్పటికీ, మిశ్రమ స్పందన ప్రభావం ఆదివారం వసూళ్లపై  బాగా పడినట్లు తెలుస్తోంది. ఫ్యామిలీ ఆడియెన్స్ ఈ మాస్ యాక్షన్ కు దూరంగా ఉంటున్నారు. ఓవర్సీస్ లో ఈ సినిమా థియేట్రికల్ రైట్స్ ను 4.5M కు కొనుగోలు చేయగా ఇప్పటి వరకు కేవలం 2.85M మాత్రమే రాబట్టింది. ఇదే ట్రెండ్ కొనసాగితే ఫైనల్ రన్ లో డిస్ట్రిబ్యూటర్ కు భారీ నష్టాలు తప్పేలా లేవు.