The Paradise : నాని ‘ది ప్యారడైజ్’ సెన్సార్.. ‘A’ సర్టిఫికెట్

న్యాచురల్ స్టార్ నాని, డైరెక్టర్ శ్రీకాంత్ ఓదెల కాంబినేషన్‌లో వస్తున్న మోస్ట్ అవైటెడ్ పాన్-వరల్డ్ మూవీ ‘ది ప్యారడైజ్’.  నాని అభిమానులు ఎంతగానో ఎదురుచూస్తున్న ‘ది ప్యారడైజ్’ ఈనెల 24న వరల్డ్ వైడ్ గా రిలీజ్ కాబోతుంది. ఈ నేపథ్యంలో ఈ చిత్రానికి సంబంధించి సెన్సార్ కార్యక్రమాలు ఫినిష్ చేసుకుంది. సెన్సార్ బోర్డ్ ఆఫ్ ఫిల్మ్ సర్టిఫికేషన్ (CBFC) ఈ చిత్రానికి ‘A’ (అడల్ట్) సర్టిఫికేట్‌ను జారీ చేసింది. అయితే ప్రస్తుతం లభించిన ఈ సర్టిఫికేషన్ కేవలం సినిమా రఫ్ కట్ కి మాత్రమేనని తెలుస్తోంది.

సినిమాకు సంబంధించిన ఫైనల్ కట్ ఇంకా పూర్తికావాల్సి ఉంది. చిత్రీకరణ ఇటీవల ఫినిష్ చేసుకున్న ఈ సినిమా నేపధ్యసంగీతానికి సంబంధించి అనిరుధ్ ఇంకా వర్క్ చేస్తూనే ఉన్నాడు. ఇప్పటి వరకు ఫస్టాఫ్ మాత్రమే RR ఫినిష్ చేసాడు. రిలీజ్ కు దగ్గరపడుతుండడంతో  ప్రమోషన్స్ మరియు ఇతర పనులను వేగవంతం చేయడానికి చిత్రబృందం ముందుగా రఫ్ కట్‌ను సెన్సార్ పరిశీలనకు పంపినట్లు సమాచారం. ఫైనల్ కట్ లాక్ అయిన తర్వాత సినిమా నిడివి మరియు కొన్ని రంగాలు మారే అవకాశం ఉందని విశ్లేషకులు భావిస్తున్నారు. సినిమాలోని కొన్ని సన్నివేశాలలో డబుల్ మీనింగ్ మాటలు, యాక్షన్ ఘట్టాలలో వైలెన్స్ ఎక్కువగా ఉండడం రక్తపాతం మోతాదుకు మించి ఉండడం మరియు కథా నేపథ్యం వల్లే ఈ చిత్రానికి ‘A’ సర్టిఫికేట్ ఇచ్చినట్లు ప్రచారం జరుగుతోంది. ఫైనల్ కట్ లాక్ అయిన తర్వాత అధికారికంగా మరోసారి ప్రకటన వచ్చే అవకాశం ఉంది.