‘విరాట పర్వం’ : ఉగాది స్పెషల్ గా సాయి పల్లవి న్యూ పోస్టర్

టాలీవుడ్ స్టార్ హీరో రానా దగ్గుబాటి, నేచురల్ బ్యూటీ సాయి పల్లవి హీరోహీరోయిన్లుగా తెరకెక్కుతున్న చిత్రం ‘విరాటపర్వం’. ‘రివ‌ల్యూష‌న్ ఈజ్ ఏన్ యాక్ట్ ఆఫ్ ల‌వ్’ అనే ట్యాగ్ లైన్ తో తెరకెక్కుతున్న ఈ చిత్రం నుంచి ఉగాది పండగ శుభాకాంక్షలు తెలుపుతూ సాయి పల్లవి పిక్ ను విడుదల చేశారు. తెలుగుతనం ఉట్టిపడుతున్న ఈ పిక్ లో సాయి పల్లవి లుక్ అద్భుతంగా ఉంది. సాధారణ అమ్మాయి లుక్ లో గడపకు బొట్లు పెడుతూ ఉన్న సాయి పల్లవిని చూస్తుంటే పక్కింటి అమ్మాయిలా కన్పిస్తోంది. ఈ పిక్ నెటిజన్లను అట్రాక్ట్ చేస్తోంది. ‘శ్రీ ప్లవ నామ సంవత్సర ఉగాది శుభాకాంక్షలు’ అంటూ ‘విరాటపర్వం’ టీం ప్రేక్షకులను విష్ చేసింది. కాగా 1990నాటి విప్లవ కథలోని యథార్థ సంఘటనల ఆధారంగా రూపొందుతున్న ఈ చిత్రంలో ప్రియమణి ‘భారతక్క’ అనే పాత్రలో కనిపించనుంది. వేణు ఊడుగుల దర్శకత్వం వహిస్తున్న ‘విరాట పర్వం’ చిత్రాన్ని సురేష్ బాబు స‌మ‌ర్ప‌ణ‌లో ఎస్‌.ఎల్‌.వి. సినిమాస్ ప‌తాకంపై సుధాక‌ర్ చెరుకూరి ఈ చిత్రాన్ని నిర్మిస్తున్నారు. ఇప్ప‌టివ‌ర‌కూ ఈ చిత్రం నుంచి విడుద‌ల చేసిన ఫ‌స్ట్ లుక్, పోస్ట‌ర్లు, టీజర్ ఆకట్టుకోగా సినిమా విడుదల గురించి ఆతృతగా ఎదురుచూస్తున్నారు ప్రేక్షకులు. ఏప్రిల్ 30న ఈ చిత్రం విడుదల కానుంది.