ఇంద్రగంటికి “ఆ అమ్మాయి గురించి మీకు చెప్పాలి” టీం సర్ప్రైజ్…!

ప్రముఖ దర్శకుడు మోహనకృష్ణ ఇంద్రగంటికి “ఆ అమ్మాయి గురించి మీకు చెప్పాలి” టీం సర్ప్రైజ్ ఇచ్చింది. ఈరోజు ఇంద్రగంటి పుట్టినరోజు కావడంతో “ఆ అమ్మాయి గురించి మీకు చెప్పాలి” ఆయనకు సర్ప్రైజ్ ఇస్తూ ఓ వీడియోను విడుదల చేసింది. ఇందులో డైరెక్టర్ ఇంద్రగంటి దర్శకత్వం వహిస్తున్న కొన్ని సన్నివేశాలు ఉన్నాయి. ఇక సినిమా విషయానికొస్తే… సుధీర్ బాబు, ‘ఉప్పెన’ బ్యూటీ కృతి శెట్టి హీరోహీరోయిన్లుగా నటిస్తున్న చిత్రం “ఆ అమ్మాయి గురించి మీకు చెప్పాలి”. ఈ రొమాంటిక్ ను డ్రామా సుధీర్ బాబు, ఇంద్రగంటి కాంబినేషన్ లో వస్తున్న మూడవ చిత్రం. బెంచ్ మార్క్ స్టూడియోస్ పతాకంపై బి.మహేంద్ర బాబు, కిరణ్ బల్లపల్లి ఈ చిత్రాన్ని సంయుక్తంగా నిర్మిస్తున్నారు. వివేక్ సాగర్ సంగీతం అందిస్తున్న ఈ చిత్రంలో వెన్నెల కిషోర్, అవసరాల శ్రీనివాస్, రాహుల్ రామకృష్ణ, శ్రీకాంత్ అయ్యంగార్, కళ్యాణి నటరాజన్ తదితరులు ముఖ్యమైన పాత్రలు పోషిస్తున్నారు.