Srinidhi Shetty: న్యూమరాలజీ గట్టెక్కిస్తుందా శ్రీనిధి?

రష్మిక తర్వాత టాలీవుడ్‌లోకి కన్నడ కస్తూరీల హడావుడి బాగా పెరిగింది. శాండిల్ వుడ్‌లో కాస్త క్లిక్ అయ్యాక… తెలుగు ఇండస్ట్రీ పై ఫోకస్ చేస్తున్నారు. స్టార్ హీరోలతో పాన్ ఇండియా చిత్రాల్లో జోడీ కట్టి బాలీవుడ్ దృష్టిని ఆకర్షించేందుకు ట్రై చేస్తున్నారు. రీసెంట్ టైమ్స్‌లో ఇద్దరు భామలు ఇదే పనిలో ఉన్నారు. ఆ ఇద్దరే శ్రీనిధి శెట్టి అండ్ రుక్మిణీ వసంత్. ఏడాది గ్యాప్‌లో యాక్టింగ్ కెరీర్ స్టార్ట్ చేశారు ఈ ముద్దుగుమ్మలు. కేజీఎఫ్ సిరీస్ చిత్రాలతో ఓవర్ నైట్ స్టార్ హీరోయిన్ అయ్యింది శ్రీనిధి. రుక్మిణీ.. సప్త సాగరాలు దాచే ఎల్లోతో యూత్ క్రష్ బ్యూటీగా మారింది. దీంతో ఆటోమేటిక్‌గా టాలీవుడ్ చూపు ఆమెపై పడింది. అప్పుడో ఇప్పుడో ఎప్పుడో ఫ్లాపైనా.. ఎన్టీఆర్ 31లో నటించే ఛాన్స్ కొట్టేసింది.

Indra Ram: ‘ఐజీ’ నుంచి పుట్టిన కథ ‘చౌర్య పాఠం’.. ఆర్‌ఎక్స్ 100 అలా మిస్సయ్యా!

రుక్మిణీ కన్నా యాక్టింగ్ కెరీర్ ముందు స్టార్ట్ చేసిన శ్రీనిధి.. తెలుగులో రావడానికి కాస్త ఆలస్యం అయ్యింది. కేజీఎఫ్ తర్వాత తమిళంలో విక్రమ్ సరసన కోబ్రా చేసింది. బొమ్మ డిజాస్టర్ కావడంతో మరో కోలీవుడ్ ఆఫర్ రాలేదు ఆమెకు. కానీ అదే టైంలో టాలీవుడ్ ఆమెను ఆదుకుంది. తెలుగులో టూ ఫిల్మ్స్‌లో నటించే ఛాన్స్ అందించింది. సిద్దు జొన్నలగడ్డ తెలుసు కదా.. నాని హిట్ 3 ఆఫర్లను కొల్లగొట్టింది శ్రీనిధి. హిట్ 3 కంప్లీట్ చేసుకుని మే 1న రిలీజ్ కాబోతుంది. కెరీర్, ఆఫర్ల పరంగా శ్రీనిధిని డామినేట్ చేస్తోంది రుక్మిణీ వసంత్. ఇప్పటికే ఏడు చిత్రాలు కంప్లీట్ చేసింది బఘీర బ్యూటీ. కానీ శ్రీనిధి ఇప్పటి వరకు చేసింది మూడే సినిమాలు. తెలుసుకదాతో పాటు.. కిచ్చా సుదీప్ మూవీస్ చేతిలో ఉన్నాయి. హిట్ 3 థియేటర్లలోకి వచ్చేస్తే.. ఇక మిగిలినవీ రెండే ప్రాజెక్టులు. ఏస్ రిలీజైతే రుక్మిణీ చేతిలో కూడా ఉండేవి రెండే అయినప్పటికీ.. క్రేజీయెస్ట్ సినిమాలు. మదరాసితో పాటు ఎన్టీఆర్ 31 చేస్తోంది బ్యూటీ. ఇక రుక్మిణీని క్రాస్ చేయాలంటే.. నాని చేతిలోనే ఆమె భవితవ్యం డిసైడ్ అయ్యి ఉంది. హిట్ 3నే ఆమె కెరీర్ గ్రాఫ్, ఆఫర్లు పెరిగే ఛాన్సులున్నాయి. దానికి తోడు కేజేఎఫ్ 1, కేజీఎఫ్ 2, ఇప్పుడు హిట్ 3, ఈ న్యూమరాలజీ తనకు కలిసివచ్చేలా ఉందని అంటోంది ఆమె. నాని ఆమెకు లక్కీ మాన్ అవుతాడేమో చూడాలి..