నాగలి పట్టి పొలం దున్నే రైతు… లాఠీ పడితే? ఎలా ఉంటుందో నేను చూపిస్తానంటున్నాడు సోనూ సూద్! కరోనా మహమ్మారి సమయంలో సూపర్ హీరోగా మారిపోయిన సోనూ సూద్ జూలై 30న ఓ ఎవర్ గ్రీన్ 90స్ సాంగ్ కీ రీమేక్ వర్షన్ తో… మన ముందుకు రాబోతున్నాడు!
Read Also : ఆమీర్ ఖాన్ కూతురు ‘సెక్స్ ఎడ్యుకేషన్’ స్టోరీ…
‘తుమ్ తో ఠెహర్ పర్ దేసీ’ పాట అప్పట్లో చాలా పెద్ద హిట్. అల్తాఫ్ రాజా ఆలపించాడు. అయితే, అదే పాటని ఇప్పుడు సింగిల్ వీడియో సాంగ్ గా రిలీజ్ చేయబోతున్నారు. ఛంఢీఘర్ ప్రాంతంలోని ఓ రైతుగా సోనూ కనిపిస్తాడు. అయితే అతను పోలీస్ గా ఎందుకు మారాడు అన్నదే అసలైన ట్విస్ట్! ‘తుమ్ తో ఠెహర పర్ దేసీ’ న్యూ వర్షన్ టోనీ కక్కర్ పాడనున్నాడు. ఆయనతో బాటూ అల్తాఫ్ రాజా కూడా గొంతు కలుపుతాడట! ఇక రీమిక్స్ వర్షన్ కి డైరెక్షన్ ఫరా ఖాన్ చేయనుంది. ఆమె దర్శకత్వం వహించిన ‘హ్యాపీ న్యూ ఇయర్’ సినిమాలో గతంలో సోనూ ప్రధాన పాత్ర పోషించాడు. వారిద్దరూ మరోసారి కలసి పని చేశారు ‘తుమ్ తో ఠెహర్… ‘ సాంగ్ కి!