శివాత్మిక నిన్న అలా… ఇవాళ ఇలా!

డాక్టర్ రాజశేఖర్, జీవిత చిన్న కూతురు శివాత్మిక. అక్క శివానీ కంటే ముందే కథానాయికగా తెలుగువారి ముందుకు వచ్చింది. ‘దొరసాని’ చిత్రంలో టైటిల్ రోల్ ప్లే చేసిన శివాత్మిక ఇప్పుడు ‘పంచతంత్రం’ అనే మూవీలో లేఖ పాత్రను పోషిస్తోంది. ఈ సినిమాకు సంబంధించిన ఫస్ట్ లుక్ నిన్న శివాత్మిక పుట్టిన రోజు సందర్భంగా విడుదలైంది. ఎల్లో శారీ ధరించి, పక్కింటి అమ్మాయిని తలపించేలా అందులో శివాత్మిక ఉంది. అయితే… నవతరం భావాలు తనలో దాగున్నాయనే విషయాన్ని శివాత్మిక చెప్పాలనుకున్నట్టుగా ఉంది. శనివారం ఓ కలర్ ఫుల్ గ్లామర్ స్టిల్ ను రిలీజ్ చేసింది. ‘దొరసాని’, ‘పంచతంత్రం’ చిత్రాల్లోని పాత్రలు తనను ఇమేజ్ చట్రంలో ఇరికించేస్తాయని శివాత్మిక భావించిందేమో, గ్లామర్ పాత్రలకూ తాను సై ఈ ఫోటోలతో చెప్పకనే చెప్పేసింది రాజశేఖర్ తనయ!!