కరుణడ చక్రవర్తి శివరాజ్ కుమార్ 131వ మూవీ పూజా కార్యక్రమంతో ఘనంగా ప్రారంభమైంది. కార్తీక్ అద్వైత్ అనే తమిళ దర్శకుడు దర్శకత్వం వహిస్తున్న ఈ హై-ఆక్టేన్ యాక్షన్ థ్రిల్లర్ లాంచింగ్ ఈవెంట్ గ్రాండ్ గా జరిగింది. ఈ కన్నడ- తెలుగు బైలింగ్వెల్ ఫిల్మ్ ని పద్మజ ఫిలింస్ ఇండియా ప్రైవేట్ లిమిటెడ్ సమర్పణలో భువనేశ్వరి పిక్చర్స్ బ్యానర్పై ఎస్ఎన్ రెడ్డి, సుధీర్ పి నిర్మిస్తున్నారు. శివరాజ్ కుమార్ని పవర్ ఫుల్ క్యారెక్టర్ లో ప్రజెంట్ చేసే ఈ మూవీపై అభిమానులలో భారీ అంచనాలు వున్నాయి. హై-బడ్జెట్ తో రూపొందనున్న ఈ చిత్రానికి టాప్ టెక్నిషియన్స్ పని చేస్తున్నారు.
Samantha: దర్శకుడు రాజ్తో ప్రేమ ప్రచారం.. ముంబైలో అలా కనిపించిన సమంత!
సామ్ సిఎస్ సంగీతం సమకూరుస్తున్న ఈ సినిమాకి ఎ.జె శెట్టి సినిమాటోగ్రఫీ అందిస్తున్నారు. ఎడిటింగ్ దీపు ఎస్ కుమార్, ఆర్ట్ డైరెక్టర్ రవి సంతే హక్లే ఈ సినిమాకి పని చేస్తున్నారు. బెంగుళూరులోని కంఠీరవ స్టూడియోలో ఈ చిత్రాన్ని ప్రారంభించగా, నిర్మాత ఎస్ఎన్ రెడ్డి క్లాప్ కొట్టారు. ముహూర్తాన్ని గ్రాండ్గా జరుపుకున్న చిత్ర బృందం రేపటి నుంచి షూటింగ్కి దిగనుంది. దర్శకుడు కార్తీక్ అద్వైత్ మాట్లాడుతూ నాకు కన్నడ రాదు. సినిమా విడుదలయ్యే నాటికి నేను కన్నడలో మాట్లాడతానని హామీ ఇస్తున్నాను. శివన్న కథ, క్యారెక్టర్ని నమ్మి నాకు దర్శకత్వం వహించే అవకాశం ఇచ్చారు. వారికి ధన్యవాదాలు. నా ఇద్దరు నిర్మాతలు సినిమాకు మెయిన్ పిల్లర్స్ అని చెప్పారు.
