మెగా కాంపౌండ్ హీరో సాయిధరమ్ తేజ్ హీరోగా 18వ సినిమా తెరకెక్కుతోంది. సాయిధరమ్ తేజ్ కెరియర్ లోనే అత్యధిక బడ్జెట్ తో తెరకెక్కుతున్న ఈ సినిమాతో రోహిత్ కెపి అనే యువకుడు దర్శకుడిగా పరిచయమవుతున్నాడు. హనుమాన్ లాంటి భారీ బ్లాక్ బస్టర్ సినిమాని నిర్మించిన నిరంజన్ రెడ్డి చైతన్య రెడ్డి ఈ సినిమాని అత్యంత ప్రతిష్టాత్మకంగా నిర్మిస్తున్నారు. సుమారు 125 నుంచి 150 కోట్ల వరకు ఈ సినిమా బడ్జెట్ ఉంటుందనే ప్రచారం జరుగుతోంది. ఇక తాజాగా ఈ విషయం మీద సాయి ధరంతేజ్ స్పందించాడు. ఈ సినిమా తన కెరీర్ లోనే మోస్ట్ ఎక్స్పెన్సివ్ ఫిలిం అవుతుందని చెప్పుకొచ్చారు.
Janhvi Kapoor: హమ్మయ్య.. ఒక టెన్షన్ క్లియర్!
అయితే అందులో ఆసక్తికరమైన విషయం ఏమిటంటే తెలుగు వారందరికీ బాగా కనెక్ట్ అయి సూపర్ హిట్ చేసిన 300 యోధులు అనే సినిమా కథను ఆధారంగా చేసుకుని ఈ లైన్ రాసుకున్నారని ఒక రకంగా ఈ సినిమాకి 300 యోధులు సినిమా ఇన్స్పిరేషన్ అని చెప్పుకొచ్చారు. ఆడియన్స్ కోసం ఎన్నో సర్ప్రైజ్లను ఈ సినిమాలో దాచాం అని ఈ సందర్భంగా సాయి ధరమ్ తేజ్ వెల్లడించాడు. అంతేకాదు తెలుగు అభిమానులందరూ ఇది మా సినిమా అని గర్వంగా చెప్పుకునేలా సినిమా ఉంటుందని చెప్పుకొచ్చారు. అంతేకాకుండా ఈ సినిమాకి సంబంధించిన షూటింగ్ కూడా 30% ఇప్పటికే పూర్తయినట్లు సాయి ధరంతేజ్ వెల్లడించాడు. ఏబీపీ నిర్వహిస్తున్న ది సదరన్ రైజింగ్ సమ్మిట్ 2024లో పాల్గొన్న ఆయన ఈ మేరకు కామెంట్స్ చేశారు.
