Rukmini Vasanth: యశ్‌తో పనిచేయడం బకెట్ లిస్ట్ మూమెంట్.. ‘టాక్సిక్’ హీరోయిన్ కామెంట్స్ వైరల్!

Rukmini Vasanth: రాకింగ్ స్టార్ యశ్ హీరోగా గీతు మోహన్‌దాస్ దర్శకత్వంలో తెరకెక్కిన మోస్ట్ అవైటెడ్ మూవీ ‘టాక్సిక్: ఏ ఫెయిరీ టేల్ ఫర్ గ్రోన్-అప్స్’. హైదరాబాద్‌లో నిర్వహించిన ప్రీ-రిలీజ్ ఈవెంట్‌లో హీరోయిన్ రుక్మిణి వసంత్ ఆసక్తికర వ్యాఖ్యలు చేశారు. ఈ సందర్భంగా ఆమె మాట్లాడుతూ.. మల్లారెడ్డి యూనివర్సిటీ విద్యార్థులు అందిస్తున్న ఎనర్జీ, ప్రేమకు ధన్యవాదాలు తెలిపారు. ‘టాక్సిక్’ టీజర్, ట్రైలర్‌ను ఇప్పటికే ప్రేక్షకులు చూసారని, సినిమాలోని ప్రతి పాత్రకు గీతు మోహన్‌దాస్ అద్భుతమైన క్యారెక్టరైజేషన్ ఇచ్చారని రుక్మిణి ప్రశంసించారు. ట్రైలర్, టీజర్‌లోనే భారీ స్థాయి విజువల్స్ కనిపిస్తున్నాయని, సినిమాలోని రిలేషన్‌షిప్స్ ప్రేక్షకులకు హృదయానికి హత్తుకునేలా ఉంటాయని అన్నారు. అదే సమయంలో భారీ స్కేల్‌లో తెరకెక్కిన ఈ సినిమా ప్రేక్షకులకు అద్భుతమైన అనుభూతిని అందిస్తుందని పేర్కొన్నారు.

యశ్‌తో కలిసి పనిచేయడంపై స్పందిస్తూ.. ‘‘రాకింగ్ స్టార్ యశ్ సర్‌తో కలిసి పనిచేయడం నిజంగా ఆనందంగా ఉంది. ఇది నాకు బకెట్ లిస్ట్ మూమెంట్. ఆయనతో పనిచేయడం ఒక అద్భుతమైన అనుభవం’’ అని రుక్మిణి వసంత్ కొనియాడారు. కియారా, హ్యూమా ఖురేషీ, తారా, నయన్, అక్షయ్, సుదేవ్‌ తదితరులతో కలిసి పనిచేయడం కూడా ఎంతో సంతోషంగా ఉందన్నారు. సినిమాకు సంగీతం అందించిన రవి బస్రూర్, విశాల్ మిశ్రా సహా మొత్తం టీమ్ అద్భుతమైన సంగీతాన్ని అందించిందని ప్రశంసించారు. ఆగస్టు 26న థియేటర్లలో ‘టాక్సిక్’ను ప్రేక్షకులు తప్పకుండా చూసి ఆదరించాలని ఆమె కోరారు. తెలుగు సహా అన్ని భాషల్లో వస్తున్న ఈ సినిమా ఘన విజయం సాధించాలని ఆకాంక్షించారు.